Киирии

Киирии

Бэс ыйын 19-23 күннэригэр Дьокуускайга Саха сирин уонна Таймыыр долгааннара кыттыылаах долгаан тылын уонна култууратын күннэрэ ыытыллар.

Тэрээһиҥҥэ Красноярскай кыраайтан уонна Саха сириттэн сүүстэн тахса киһи кыттара былааннанар. Дэлэгээттэр уонна ыалдьыттар ортолоругар долгаан тылын уонна култууратын учууталлара, худуоһунньуктар, уопсастыбанньыктар, тойоттор, суруналыыстар бааллар.

Dolgan 404x485

Долгаан тылын уонна култууратын күннэрин үөрүүлээх аһыллыыта Ил Түмэҥҥэ буолуоҕа. Бу күн «Дьонум өстөрүн коһоонноро» диэн Юлия уонна Евгений Портовтар худуоһунньуктар быыстапкалара саҕаланар.

Маны таһынан, бэс ыйын 20 күнүгэр Национальнай бибилэтиэкэ историческай саалатыгар «Фольклор долган Хатангской тундры. Дорога в вечность» кинигэ сүрэхтэниитэ буолар. Бэс ыйын 21 күнүгэр, ГЧИ аактабай саалатыгар “Долгаан тылын уонна култууратын харыстааһын уонна сайыннарыы” диэн төгүрүк остуолга Саха сиригэр уонна Таймыырга долгаан тылын оскуолаҕа үөрэтии туһунан, тылы уонна култуураны сайыннарыы туһунан кэпсэтиэхтэрэ. Бу күн иккис аҥаарыгар Норуоттар Доҕордоһууларын Дьиэтигэр Василий Баатаҕай “Оһуор – төрүччү тыла” диэн долгаан оһуорун-бичигин билиһиннэриэҕэ, сарсыныгар долгаан төрүт таҥаһын тигиигэ маастар-кылааһы биэриэҕэ.

Долгаан тылын уонна култууратын күннэрэ бэс ыйын 23 күнүгэр Үс Хатыҥҥа “Хейро” национальнай бырааһынньыгынан түмүктэниэҕэ. Онно Байанай, Дьахтар кута, Уруу курдук умнуллубут сиэрдэри-туомнарын сөргүтэн көрдөрүөхтэрэ.

Тарҕат:

Комментарии

123
0 123 19.06.2018 11:27
Сахалар уонна долганнар аймахтыы биир омук буоларбытынан, туруорсуохпутун наада, Өлөөн долганскай национальнай улуус буоларын.
Сирбитин уоппутун маньчжур омукка туран биэрэн баран олоробут.
Дьиҥэ Анаабыр, Өлөөн сахалар уонна долганнар сирдэрэ.
Ответить

Защитный код Обновить