Киирии

Киирии

Cарсыҥҥыттан, бэс ыйын 20 күнүттэн ыла, М.К.Аммосов аатынан Хотугулуу-Илиҥҥи федеральнай университекка орто анал уонна үрдүх үөрэх бырагырааматынан үөрэххэ туттарсыыга докумуоннары тутуу саҕаланар. 2018-2019 үөрэх дьылыгар федеральнай университекка бакалавриат, специалитет уонна магистратура хайысхаларынан күнүскү үөрэххэ уопсайа 2698 бүддьүөт миэстэтэ көрүллүбүт.

Университет Киин тутар хамыыһыйатыгар иһитиннэрбиттэринэн, университет бары институттара, факультеттара, итиэннэ орто анал бырагырааманан үөрэтэр салаалара докумуоннары Кулаковскай уул., 42 турар Кылаабынай куорпуска (ГУК) тутуохтара. Тутар хамыыһыйа бэнидиэнньиктэн бээтинисэҕэ диэри сарсыарда 9 ч. киэһэ 17 ч. диэри үлэлиэҕэ. Оттон субуотаҕа уонна өрөбүлгэ – 10:30 ч. 17 ч. диэри.

ХИФУ аспирантуратыгар уонна ординатуратыгар докумуоннары от ыйын 2 күнүттэн тутан саҕалыахтара. Аспирантураҕа туттарсааччылар докумуоннары Белинскэй уул.,58, УЛК дьиэтигэр, 514 кэб. туттараҕыт. Оттон ординатураҕа туттарсааччылар докумуоннаргытын Мэдэссиинэ институтун дьиэтигэр (Ойуунускай уул., 27, 12-с куорпус, 217 кэб.) биэрэҕит.

Туттарсыы кэмигэр куоракка түһэр сирэ суох тыаттан киирээччилэри уопсай дьиэҕэ хоһунан хааччыйыахтарын сөп. Онуоха докумуону биэрэргитигэр, сайабылыанньаҕа тоһоҕолоон бэлиэтиэххитин наада.

Сиһилии 25-11-22 нүөмэринэн ( сарсыарда 9 ч. 20 ч. диэри өрөбүлэ уонна тохтобула суох үлэлиир) ыйыталаһыаххытын сөп. Маны таһынан, интэриэһиргиир ыйытыыларгытын WhatsApp 8-914-270-99-80 биэриэххитин сөп.

Тарҕат:

Ырытыыгын суруй

Защитный код
Обновить

Бүтэһик сонуннар