Киирии

Киирии

Бэс ыйын 25-26 күннэригэр Саха сирин баhылыгын эбээhинэhин быстах кэмҥэ толороооччу Айсен Николаев Мииринэйгэ үлэлээтэ.

Айсен Николаев алмаастаах кыраай киинигэр Мииринэйгэ дьыалабыай сырыыта Саха сирин сытыы боппуруостарын ырытарга, ону бары күүhүнэн түмсэн быhаарсарга туhуланна.

Aysen1

Мииринэй 26 №-дээх орто оскуолатын аактабай саалатыгар буолбут мунньахха Саха сирин икки улахан бырамыысыланнастаах оройуоннарын – Мииринэй уонна Ленскэй уопсастыбаннаhын бэрэстэбиитэллэрэ кыттыыны ыллылар. Манна Удачнайтан, Айхалтан, Светлэйтэн, Чернышевскайтан дьон кэлитэлээбиттэр. Онон алмаасчыттар эрэ буолбакка, энергетиктэр, газовиктар, ДьУоХХ, сокуон-быраап, былаас салааларын үлэhиттэрэ кыттыыны ыллылар.

Aysen4
Саха сирин экэниэмикэтигэр сүдү кылааты киллэрсэр бырамыысыланнай оройуоннар олохтоохторун долгутар ыйытыы элбэх. Онон мунньахха Айсен Николаев тус бэйэтэ эрэ буолбакка, Ил Түмэн дьокутаата Александр Сусоев уонна ОНФ Саха сиринээҕи исполкомун салайааччыта Валерий Лютай араас хабааннаах ыйытыктарга эмиэ сиhилии эппиэттэстилэр. Мииринэй оройуонун инники сайдыытын, бырамыысыланнас кэскилин, манна үлэлиир ньиэп-гаас хампаанньаларын кытары алтыhыы, федеральнай хайысхалаах суол-иис, авиация тосхоллорун тула мустубут дьон тугу этиммиттэрин А.Николаев сыныйан туран иhиттэ. Мунньахха этиллибит ордук сытыы, ыарыылаах боппуруостары чуолаан бэлиэтиибин.

Бастатан туран – биэнсийэҕэ тахсар саас уhааhына. Мииринэй уонна Ленскэй олохтоохторун, сүрүннээн быстах кэмнэргэ хамнас, үлэ ыстааhын туhугар кэлбит дьону, бу сонун ордук долгутта.

Маннык ыарахан охсуулаах быhаарыныы сокуон чэрчитинэн бигэргэтиллэр түгэнигэр, хоту кэлэн үлэлиир ончу барыыhа суох буолан тахсар. Онто да суох аҕыйах Мииринэй оройуонун нэhилиэнньэтэ аччыыр кутталлаах. Үгүс дьон көһөн барар санаалаахтар. Ортотунан, биир сылга аҥаардас Мииринэй эрэ оройуонуттан 6-7 тыhыынча киhи айанныыр, 3,5 тыhыынча киhи кэлэр. 96 тыhыынча нэһилиэнньэлэнэ сылдьыбыт оройуон – 70 тыhыынча эрэ олохтоохтоох буолла. 43 тыhыынча нэhилиэнньэлэнэ сылдьыбыт Мииринэй куората – билигин 34 тыhыынча киhилээх.

Иккис ыарыылаах боппуруос – суол-иис.

Мунньахха «материкка» айанныырга сыана ыараабытын ыйдылар. Уматык салгыы ыарыыр түгэнигэр балаhыанньа хайдах туруктаныан, манна былаас туох-ханнык дьаhалы ыларын ыйыталастылар.

Aysen3

 

Саалаттан бэриллибит ыйытыктарга Айсен Николаев барыларыгар эппиэттээтэ уонна мустубут дьону «кымньыылыыр» боппуруос кинини эмиэ долгутарын биллэрдэ.

Aysen2

 

Саха сирин баhылыгын эбээhинэhин быстах кэмҥэ толорооччу Айсен Николаев кылгастык уонна норуокка тиийимтиэтик эттэ: «Мииринэй уонна Ленскэй - биhиги ордук суолталаах оройуоннарбыт, экэнэмиичэскэй кииннэрбит. Кинилэр бигэ туруктаах буолалларын туhугар туох баар кыахпытын ууруохпут».

Бэс ыйын 26 күнүгэр Саха сирин баhылыгын эбээhинэhин толорооччу аатыттан Айсен Николаев бастакы дьыалабыай сырыыта Мииринэй куоратыгар түмүктэннэ.

 Станислав Алексеев, Мииринэй. Ааптар хаартыскалара.

 

Тарҕат:

Ырытыы  

Тандагы
+4 Тандагы 27.06.2018 21:49
Мииринэйдэр Айсентан букатын "ууллан" хаалбыт курдуктар. Уолбут красавчик буо!
Ответить

Ырытыыгын суруй

Защитный код
Обновить