“Арассыыйа Почтата” ФГУП хотугу уонна Арктика улуустарыгар баар почта салааларын социальнай суолталаахтарынан, сабар санаата суох. Бу туһунан бэҕэһээ “Арассыыйа Почтата” ФГУП Уһук Илиннээҕи макро эрэгийиэн киинин дириэктэрэ Виталий Семенов Айсен Николаевы кытары көрсүһүүтүгэр эттэ.
““Арассыыйа Почтата” Саха сиринээҕи салаатыгар 431 почта салаата баар, онтон 143 салаата суола-ииһэ суох, ыраах нэһилиэктэргэ баар. Онно салгын суолунан эрэ таһаҕаһы уонна почтаны тиэрдэллэр. Манна почтаны эрэ буолбакка, бородууктаны, ордук наадалаах табаардары эмиэ тириэрдэллэр. Инньэ гынан, бу салаалар социальнай суолталаахтар”, — диэтэ Семенов.
Айсен Николаев “Арассыыйа Почтата” өрөспүүбүлүкэҕэ социальнай суолталааҕын тоһоҕолоон бэлиэтээтэ. Көрсүһүү кэмигэр почта өҥөлөрүн тупсарыы, почта сибээһин модернизациялааһын, почтаны түргэнник тиэрдэргэ тырааныспар логистикатын дьүүллэстилэр. Итиэннэ Аллараа Бэстээх тимир суол ыстаансыйатын туһаныы, кырыы нэһилиэктэргэ почтаны тиэрдэргэ аччыгый уонна орто урбаан тэрилтэлэрин кыттыһыннарыы туһунан кэпсэттилэр.
