Сэрэдэ сарсыарда Мииринэй шахтатыгар дэлби тэбии түмүгэр биир киһи суорума суолланна. Ол туһунан Арассыыйа СУ СК СМИни кытта үлэҕэ салайааччы көмөлөһөөччүтэ Надежда Дворецкая иһитиннэрэр.
“Бүгүн сарсыарда 6 чааска Удачнай шахтатыгар взрывчатканы ууруу кэмигэр дэлби тэбии буолбут, хомойуох иһин, дэлби тэптэрээччи өлбүт. Оперативнай силиэстийэлиир бөлөх барбыт, быһылаан буолбут сиригэр силиэдэбэтэл үлэлиир”, – диир Дворецкая.
Шахтаҕа хайыы үйэ 12 киһилээх икки военизированнай-горноспасательнай бөлөх тиийбит. Быһылаан кэмигэр барыта 174 киһи үлэлии сылдьыбыт. Дэлби тэптэрии рудник үлэтигэр мэһэйи үөскэппэтэх. Салгынынан хааччыллыы (вентиляция) этэҥҥэ, гаас таһыма нуормаҕа эппиэттиир диэн Саха сиринээҕи МЧС иһитиннэрэр.
