Киирии

Киирии

Ил Түмэн дьокутаата Александр Кошуков Уһук Хоту олорор дьоҥҥо биэнсийэ сааһын кыччатар туһунан сокуон барылын киллэрбит.

“Мин өрөспүүбүлүкэ парламеныгар Саха сирин олохтоохторугар биэнсийэ сааһын аччатар туһунан сокуон барылын оҥорон киллэрдим. Ол курдук, эр дьон – 50, дьахталлар  45 саастарыгар тахсалларын курдук оҥордум. Мин санаабар, итинник дьаһаннахпытына, биһиги эрэгийиэммитигэр эдэр исписэлиистэри угуйуо этибит, болдьоҕун иннинэ биэнсийэҕэ тахсыан баҕалаах үлэһит дьон кэлиэх этилэр”, — диир Кошуков.

Билигин Cаха сирин олохтоохторо биэнсийэҕэ: дьахталлар – 50, эр дьон 55 саастарыгар тахсар бырааптаахтар.

“Хоту сиргэ усулуобуйа олус тыйыс. Ону аахсыбакка туран, хотугу биэнсийэҕэ ымсыыран үлэһиттэр кэлэллэрэ кистэл буолбатах”, — диир дьокутаат.

Санатар буоллахха, дойду бэрэсидьиэнэ Владимир Путин биэнсийэ реформатын туһунан аан бастаан быктарбыта. Билиҥҥитэ бу реформа бүтэһиктээхтик ылынылла илик. От ыйын 19 күнүгэр Госдума бырабыыталыстыба киллэрбит сокуон барылын бастакы ааҕыыга эрэ көрбүтэ. Билигин эрэгийиэн таһымыгар киирбит этиилэри хомуйаллар. Путин бу сокуону ымпыгар-чымпыгар тиийэ ырытан баран ылыныахтаахпыт диэбит.

Тарҕат:

Ырытыыгын суруй

Защитный код
Обновить