Киирии

Киирии

Арассыыйа Киин быыбардыыр хамыыһыйата (ЦИК) биэнсийэ референдумун ыытарга докумуоннары тутта. Референдумҥа “Эһиги биэнсийэҕэ тахсыы сааһа улаатарын кытары сөпсөһөҕүт дуо?” диэн ыйытык көтөҕүллэрэ сабаҕаланар.

Бу туһунан “Интерфакска” хамыыһыйа сэкирэтээрэ Майя Гришина иһитиннэрбит.

“Киин быыбардыыр хамыыһыйаҕа Москуба куораттааҕы быыбардыыр хамыыһыйаттан биэнсийэ сокуонугар уларытыыны киллэрэргэ референдум ыытыллыан сөбүн туһунан иһитиннэрии киирдэ” , – диэтэ Гришина. 

Кини быһаарбытынан, билигин ол бэриллибит докумуоннары үөрэтэллэр, онтон салгыы сокуон быһыытынан ЦИК мунньаҕар көрүөхтэрэ. Сокуон быһыытынан, ЦИКкэ референдуму ыытыы туһунан иһитиннэрии киирбитин кэннэ, хамыыһыйа уон күн устата аһаҕас мунньахха көрөн быһаарыыны ылыныахтаах.

Москуба куораттааҕы быыбардыыр хамыыһыйаҕа референдуму ыытарга туруорсан КПРФ бэрэстэбиитэллэрэ от ыйын 17 күнүгэр туттарбыттар.

Референдуму ыытарга дойду баһыйар эрэгийиэннэригэр көҕүлүүр бөлөх тэриллэр быыбардыыр хамыыһыйаҕа бэлиэтэниини ааһыахтаах.

Санатар буоллахха, дойду бырабыыталыстыбата Госдумаҕа сыыйа-баайа эр дьоҥҥо биэнсийэҕэ тахсар сааһы 65-кэ (2028 сылга), оттон дьахталарга 63-кэ (2034 сылга) диэри улаатыннарарга сокуон барылын киллэрбитэ. Билигин Арассыыйаҕа биэнсийэҕэ тахсыы сааһа маннык: эр дьон – 60, дьахталлар – 55.

Ааспыт нэдиэлэҕэ Госдума пенсионнай реформа туһунан сокуон барылын бастакы ааҕыыга ылыммыта.

Тарҕат:

Ырытыыгын суруй

Защитный код
Обновить