Киирии

Киирии

  1. Уопсай балаһыанньата

       Күрэх РФ Бэрэсидьиэнин гранын кыайбыт «1944 с. Кырыымы босхолообут Саха сирин буойуннарын үйэтитии» бырайыак чэрчитинэн ыытыллар. Тэрийээччи – Нам улууһун Хатыҥ Арыы нэһилиэгин И.Е. Винокуров аатынан «Ылдьаа ыччаттара» уопсастыбаннай түмсүү.

  1. Күрэх сыала уонна соруктара

Сыала – Кырыым босхолооһунугар кыттыбыт Саха сирин буойуннарын үйэтитии, кинилэр тустарынан матырыйаал хомуйуу, ыччаты байыаннай-патриотическай иитиигэ сыһыарыы.

Күрэх соруктара:

- Крым босхолооһунугар саха буойуннарын кыттыыларын туһунан научнай, чинчийэр үлэҕэ олук ууруу;

- урут сырдатыллыбатах, киэҥ араҥаҕа тахсыбатах ахтыылары, хаартыскалары, докумуоннары булуу уонна түмүү;

- ыччаты патриотическай тыыҥҥа иитии, научнай-чинчийэр үлэҕэ сыһыарыы, айар дьоҕурун сайыннарыы.

  • Күрэх усулуобуйата:
  1. Күрэххэ өрөспүүбүлүкэ бары оскуолаларын 8-с уонна 10-с кылааһын үөрэнээччилэрэ итиэннэ устудьуоннар кытталлар.
  2. Күрэххэ үлэлэри 2018 сылга муус устар 30 күнүгэр диэри “678380, Нам улууһа, Аппааны сэлиэнньэтэ, Гоголев уул., 15, Хатыҥ Арыы орто оскуолата” диэн почтанан аадырыска эбэтэр Этот адрес электронной почты защищён от спам-ботов. У вас должен быть включен JavaScript для просмотра. электроннай аадырыска ыытаҕыт. Билсэр төлөпүөҥҥүт: 8924-662-14-51.
  3. Анкета уонна күрэххэ кыттар үлэ А4 формакка толоруллар, хаартыска – JPEG эбэтэр PDF формакка. Тиэкис матырыйаалыгар маннык ирдэбиллэр: Word бырагыраамаҕа, TimesNewRoman шрифтээх, сахалыы эбэтэр нууччалыы тылынан, 1,5 арыттаах оҥоһуллар.
  4. Кыттааччы хас баҕар ахтыыны, докумуону, видеоматыырйаалы (20-30 мүнүүтэлээх) хомуйан ыытыан сөп.
  1. Күрэх буолар бэрээдэгэ
  2. Кыттааччы күрэххэ матырыйаал хомуйарыгар улууһун дьонун эбэтэр аймахтарын туһунан сырдатар, атын улууска, нэһилиэктэргэ барар, дьон кэпсээнин сурунар буоллаҕына, ороскуотун бэйэтэ уйунар, кэпсэппит киһитин аатын-суолун ыйара, төлөпүөнүн ылара булгуччулаах.
  3. Кыттааччы эбии матырыйаал буллаҕына, аатын-суолун ыйан, «Довнесение» диэн уҥа муннукка улахан шрибинэн бэлиэтээн баран, ыытар бырааптаах. Ол гынан баран үстэн элбэҕи ыыппат.
  4. Ахтыы, докумуон, хаартыска, видеоинтервью (HD камераҕа) барыта бэрээдэктэммит, кэпсиир киһи аата-суола, миэстэтэ, кэмэ ыйыллыбыт буолуохтаах. Матырыйаал хаачыстыбалаахтык түһэриллибит куопуйа эбэтэр сканердаммыт, PDF эбэтэр JPEG форматтарга угуллубут буолуохтаах. Күрэххэ ыытыллыбыт матырыйаал кумааҕыга оҥоһуллубут да буоллаҕына, электроннай көрүҥүн эмиэ хайаан да ыытаҕыт.

 

  1. Күрэх номинациялара

     Сүрүн кыайыылаах «I миэстэ» бочуоттаах аатын ылар. Ону таһынан дьүүллүүр сүбэ 3 номинацияҕа ким тиксибитин быһаарар.

  1. Сэдэх матырыйааллары булбут чинчийээччи
  2. Элбэх матырыйаалы хомуйбут чинчийээччи
  3. Кэскиллээх чинчийээччи
  1. Бастыҥнары талыы бэрээдэгэ

Күрэх кыайыылаахтарын 5 киһилээх тэрийэр кэмитиэт сүүмэрдээбит дьүүллүүр сүбэтэ быһаарар. Кыайыылаахтары үлэлэрин түмүгүнэн кэтэхтэн талаллар. Кыттааччы көрдөөн булбут, мунньубут, чинчийбит, наардаабыт матырыйаалын ис хоһооно, баайа, төһө ыраастык, сөптөөхтүк толоруллубута учуоттанар.

  • Наҕараадалааһын

Суругунан матырыйаал уонна видеоматериал хомуйууга сүрүн кыайыылаахтар (2 үөрэнээччи) I степеннээх дипломнарынан уонна «Ылдьаа ыччаттарын» кытта документальнай киинэ уста, Кырыым кыргыһыытыгар аналлаах матырыйаал хомуйа бэс ыйын 10 күнүттэн 25 күнүгэр диэри Кырыымҥа барар путевканан наҕараадаланыахтара. Ону таһынан 5 номинацияҕа тиксибит кыттааччылар спонсордартан анал сыаналаах бириистэринэн наҕараадаланыахтара. Хас биирдии күрэххэ кыттыбыт үөрэнээччи сэртипикээт ылар. Үлэтэ бырайыакка (киинэҕэ, саайтка) киирэр. Күрэх түмүгүн дьүүллүүр сүбэ бороткуолга киллэрэр, СМИгэ сырдатар.

Анкета

  1. Араспаанньаҥ, аатыҥ, аҕаҥ аата.
  2. Улууһуҥ, нэһилиэгиҥ, оскуолаҥ толору аата, кылааһыҥ.
  3. Сүрүн ситиһиилэриҥ?
  4. Ханнык биридимиэти ордороҕун, туохха дьоҕурдааххын?
  5. Матырыйаал хомуйуутун туохтан хайдах саҕалаатыҥ?
  6. Үлэҕэр ким көмөлөстө? Туохха ордук ыарырҕаттыҥ?
  7. Ханнык үөрүйэхтэри, сатабылы баһылаатыҥ?
  8. Бу бырайыакка туох санааттан кытынныҥ? Кыайдаххына Кырыымҥа барсар кыахтааххын дуо, дьонуҥ бырайыакка кыттаргын өйүүллэр дуо?
  9. Туохха да тиксибэтэххинэ, төһө хомойуоххунуй? Салгыы өссө маннык күрэхтэргэ кыттыаҥ дуо?
  10. Бу күрэх инникитин эйиэхэ тугу биэриэ дии саныыгын?
Тарҕат:

Комментарии

Защитный код Обновить