Киирии

Киирии

202-с түөлбэҕэ баар Бэтэрээннэр Дьиэлэрин билбэт киһи суох буолуохтаах. Бүгүн, атырдьах ыйын 9 күнүгэр, онно “Активное долголетие” диэн “Аврора” килииникэ быраастара бэйэлэрин баҕаларынан доруобуйа дьаарбаҥкатын тэрийиэхтээхтэрэ. Тэрээһин туһунан кэпсэтии эрдэттэн барбытын үрдүнэн, дьаарбаҥканы ыытары туорайдаһа сатаатылар.

Сэрии, тыыл уонна үлэ бэтэрээннэрин буор-босхо терапевт, гастроэнторолог, кардиолог, невролог уонна офтольмолог курдук сэдэх идэлээх, уопуттаах быраастар көрүөхтээхтэрэ.

Төһө эмэ маннык үтүө санаа тэрээһинэ ыытыллара эрдэттэн кэпсэтиллибитин, болдьоммутун, дьону көхтөөхтүк көрдөрөллөрүгэр ыҥырыы барбытын үрдүнэн, биллибэт бириичиинэннэн бэтэрээннэр куораттааҕы Сэбиэттэрин бэрэссэдээтэлэ кэбиниэттэрин көҥөнөн аанын хатаан баран баран хаалбыт. Кини “атын сиргэ баран дьаарбаҥкалаҥ” диэн мас-таас курдук этэн кэбиспит.

Надежда Баишева, Губинскай уокурукка бэтэрээннэр Сэбиэттэрин бэрэссэдээтэлэ:

veter3

Биһиги бэтэрээннэрбит онто да суох поликлиникаларга көрөдөрө тийэллэрэ ыарахаттардаах. Биһиги поликлиникабыт 7 терапевтическай кэбиниэттээх. Оттон сорохтор отой даҕаны Киров уулуссатыгар баар анал поликлиникаҕа сылдьаллар, эбэтэр бэһис поликлиникаҕа тиийэллэр. Оттон саастаах бэтэрээннэр онно тийэллэрэ күчүмэҕэйдэрдээх. Биһиэхэ 280 тыыл бэтэрээнэ, 20 сэрии кыттыылааҕа уонна тыһыынчаттан тахса үлэ бэтэрээнэ баар ээ. Ол иһин манна быраастар кэлэн доруобуйаҕытын көрүөхтэрэ диэбиттэригэр бары үөрэ түспүттэрэ, хайаан да кэлэн көрдөрүнүөх буолбуттара.

Дьонум үөрбүттэрин истэн, мин куораттааҕы бэтэрээннэр Сэбиэттэрин бэрэссэдээтэлигэр Платон Петрович Брызгаловка тийэн түөрт кэбиниэккин, хайа чааска табыгастааҕынан көрөн уларсарыгар кэпсэппитэ. Кини онуоха сөпсөспүтэ, ол иһин бассаабынан эҥин дьоммун көрдөрө кэлэллэригэр ыҥырыы бөҕөтүн ыыппыппыт, эрийэн сэрэтэлээбитим. Онтон арай бэҕэһээ киэһэ Платон Петрович эрийэр уонна “Надежда Прохоровна, мин сөбүлэспэт эбиппин, ол иһин барытын саптым. Эһиги отой да көрсүһүү тэрийээри сылдьар эбиккит батта”, - диэн баран ууран кэбистэ. Мин өйдөөбөккө да хааллым. Туох көрсүһүүтүн эппитэ эбитэ буолла? Төһө эмэ быраастар кэлбиттэрин үрдүнэн, кини кэлэн кэбиниэттэрин хатаан баран баран хаалла.

veter5

Ол да буоллар, көрдөрө кэлбит бэтэрээннэри клиника үлэһиттэрэ Губинскай уокрук Сэбиэтин кыараҕас кэбиниэттэригэр олорон көрдүлэр. Маннык үтүө санаа аахсыйатын тоҕо туорайдаһыахха нааданый?

Тарҕат:

Комментарии

Защитный код Обновить