2017 сыл тохсунньу 1 күнүттэн федеральнай сокуон № 230-ФЗ от ыйа 3 күнүттэн 2016 с. «О защите прав и законных интересов физических лиц при осуществлении деятельности по возврату просроченной задолженности и о внесении изменений в Федеральный закон «О микрофинансовой деятельности и микрофинансовых организациях» күүскэ киирдэ.
Арассыыйа бырабыыталыстыбатын уурааҕынан ахсынньы 19 күнүттэн 2016 с. № 1402 «О федеральном органе исполнительной власти, уполномоченном вести государственный реестр юридических лиц, осуществляющих деятельность по возврату просроченной задолженности в качестве основного вида деятельности, и осуществлять федеральный государственный контроль (надзор) за деятельностью юридических лиц, включенных в указанный реестр» суут бэриистэптэрин федеральнай сулууспата коллектордары хонтуруоллуур боломуочуйаланна.
— Хойутатыллыбыт иэһи ирдииргэ суут бириистэптэрэ туох боломуочуйалаахтарый?
— Суут бириистэптэрин федеральнай сулууспата (ФССП) иэс ирдээһининэн дьарыгырар юридическай сирэйдэри (коллекторы) кэтээн көрөр уонна хонтуруоллуур. Онтон биирдиилээн дьонтон (физлицо), юридическай сирэйдэртэн, МФО иэстэрин ирдииргэ көмө оҥорбот.
ФССП маннык боломуочуйалардаах:
- иэс ирдиир юридическай сирэйдэри (коллектордары) реестрга тиһии, хонтуруолга тутуу;
- юридическай сирэй сокуону кэспитин, сокуону кытта сөп түбэспэт дьарыгы дьарыгырбытын туһунан үҥсүүнү көрүү;
- судаарыстыбаннай реестргэ баар коллектордары бэрэбиэркэлээһин, кэтээн көрүү;
- бэрэбиэркэ кэннэ быһаарыыны ылыныы дьаһал биэрии;
- коллекторга, дуоhунастаах улэhиттэргэ административнай бэрээдэк боротокуола (ст. 14.57 КоАП РФ) оҥоhуллар.
Бу саҥа уурааҕы толорор, кэтээн көрөр буолан ФССП үлэһиттэрэ 375 киһиннэн элбээтэ. СӨ суут бириистэптэрин Федеральнай сулууспатын управлениетыгар 3 киһиннэн элбээтэ.
— Ол аата, холобур, тэрилтэ коллектор идэтинэн дьарыгырыан баҕалаах буоллаҕына саҥа бэрээдэгинэн регистрация барыан наада дуо?
— Оннук. 2017 сыл тохсунньу 1 күнүттэн ыла кыайан төлөммөккө сылдьыбыт иэстэри ирдээһининэн госреестргэ эрэ баар тэрилтэлэр дьарыгырар кыахтаннылар. Юридическай сирэйдэргэ толору ирдэбил федеральнай сокуон 13 ыстатыйатынан 230 №-дээх ФЗ «О защите прав и законных интересов физических лиц при осуществлении деятельности по возврату просроченной задолженности и о внесении изменений в Федеральный закон «О микрофинансовой деятельности и микрофинансовых организациях».
—Коллектор иэстээх киһиэхэ төһө элбэхтэ субуонннуур кыахтааҕый?
— Сууккаҕа бииртэн, нэдиэлэҕэ иккиттэн, ыйга аҕыстан элбэх буолуо суохтаах.
—Коллектор ханнык төлөппүөнтэн субуоннуон сөбүй?
—Дуогабар быһыытынан бэйэтигэр эрэ бэриллибит нүөмэртэн. Нүөмэрин кистээбэккэ субуоннуур кыахтаах.
— Коллектор кэпсэтиини саҕалыан иннинэ аан бастаан туох диэхтээҕий?
— Бастатан туран, бэйэтин толору аатынан билиһиннэриэхтээх уонна кредитор аатын араспаанньатын толору ааттыахтахх.
— Иэстээх киһи коллектордары кытта төлөпүөн, интэриниэт, почта сибээһин нөҥүө суругунан уонна утары көрсөн кэпсэтииттэн аккаастаныан сөп дуо?
— Аккаастаныан сөп. Иэстээх киһи иэһин түөрт ый тухары төлөөбөтөх буоллаҕына, коллектордарга эбэтэр кредиторга хардарыта дьайыыны тохтотобун диэн сурук ыытыахтаах. Бу суругу коллектор эбэтэр кредитор тутар түгэнигэр - кини (коллектор) субуоннуур, көрсөн кэпсэтэр ньыматын быһа тохтотуохтаах. Онон иэстээх киһи аадырыһыгар сурук эрэ ыытар кыахтаах буолар.
— Ханнык түгэҥҥэ коллектор иэстээх киһи аймахтарыгар, дьиэ кэргэнигэр, доҕотторугар субуоннуур кыахтааҕый?
— Иэстээх киһи бэйэтэ суругунан «Мин сөбүлэһэбин» диэн көҥүлүн биэриэхтээх. Уонна аймахтара, дьиэ кэргэнэ, доҕотторо сөбүлэспит буолуохтаахтар.
— Коллектор ханнык бириэмэҕэ иэстээх киһи дьиэтигэр кэлэ сылдьыан сөбүй?
— Олохтоох бириэмэнэн үлэ күнүгэр сарсыарда 8-тан киэһэ 10-ҥа дылы уонна өрөбүллэргэ сарсыарда 9-тан киэһэ 8-ка диэри.
— Иэстээх киһи сөбүлэспитин, сөбүлэспэтэҕин аахсыбакка коллектор иэстээх киһи үлэлиир сиригэр сылдьан ирдэһэр кыахтаах дуо?
— Суох. Сокуон оннук ньыманы бобор.
— Иэстээх киһини коллектор, холобур, судаарыстыбаннай былааска үлэлиибин диэн куттатар кыахтаах дуо?
— Суох, итинник киитэрэйдээһин отой бобуулаах.
— Коллектор иэстээх киһини утары сокуону тутуспат, бобуулаах дьайыыны оҥордоҕуна иэстээх киһи үҥсүү түһэриэн сөп дуо?
—Үҥсүүнү СӨ суут бириистэптэрин Федеральнай сулууспатын управлениетын Дьокуускай куоракка Лермонтова уулусса 25 нүөмэрдээх дьиэтигэр эбэтэр улуустааҕы подразделенияҕа ыытыахтаах. Үҥсүүнү өйдөнөр гына быһаарыллан туох баар дуогабардар, суруктар, скриншоттар куопуйаларын кыбытар булгуччулаах. Бу докумуоннарга олоҕуран, управления коллекторскай тэрилтэни бэрэбиэркэлиэн сөп.
— Онтон арай баан, МФО үлэһиттэрэ сокуону кэһэр буоллахтарына иэстээх киһи ханна баран билсиэн, үҥсүөн сөбүй?
— Саха Сиринээҕи Арассыыйа киин баанын отделениятыгар – Саха сиринээҕи национальнай бааҥҥа.
— Онтон реестргэ киирбит иэс ирдиир тэрилтэлэр тустарынан сиһилии хантан билсиэххэ сөбүй?
СӨ суут бириистэптэрин Федеральнай сулууспатын управлениетын Дьокуускай куорат сайтыгар (r14.fssprus.ru) «сервисы» диэн разделга «сведения» диэн вкладкаҕа көрүөххүтүн сөп. СӨ суут бириистэптэрин Федеральнай сулууспатын управлениетын Дьокуускай куоракка Лермонтова уулуса, 25 дьиэтин 6 этээһигэр 605 кабинет. Эбэтэр тел. 8(4112) 22-60-31 төлөпүөнүнэн ыйыталаһыаххытын сөп.
СӨ ФССП пресс-сулууспата
