Киирии

Киирии

Соторутааҕыта Ньурба улууһугар икки хотон сууллубутун туһунан суруйан турабыт. Бу күннэргэ ТХМ улууска тиийэн балаһыанньаны кытары билсибит. Ол кэннэ хотоннор сууллубут биричиинэлэрэ чуолкайданыахтаах. “Кыым” суруналыыһа Альберт Капрынов Ньурба улууһугар сылдьан улуус баһылыга Алексей Иннокентьевы көрсөн быһааран биэрэригэр көрдөстө.

Алексей Иннокентьев, “Ньурба улууһа” МТ баһылыга:

- ТХМ анал бөлөх кэлэн бэрэбиэркэлии сылдьар. Кинилэр туох баар хотоннору барыларын көрө-истэ сылдьаллар. Ити икки тыа хаһаайыстыбатынан дьарыктанар урбаанньыт  хотонноро суулунна. Дьаархан хотонун тутуутугар оччотооҕу улуус салалтата 2,5 мөл. солк. көрбүт, оттон 1 мөл. солк. тахсаны нэһилиэнньэ онтон-мантан хомуйан туппуттар. Хотону бэйэ күүһүнэн туппуттар. Улуус да, нэһилиэнньэ да өттүттэн туох да хонтуруол ыытыллыбатах. Тутуу конструкциятын Хаҥалас Төхтүрүгэр баар ХЭУо-тан атыыласпыттар. Ол матырыйааллара анал сэртипикээтэ эҥин баар эбит. Инньэ гынан хаачыстыбатыгар эҥин саарбахтаабатахтар. Оттон ити Өҥөлдьө хотоно эмиэ ити тэрилтэттэн атыыласпыт. Кинилэр ТХМ грант быһыытынан 4 мөл. солк. ылбыттар. Хамыыһыйа барыллаан быһаарыытынан, ити хотоннор конструкциялара мөлтөх хаачыстыбалаах буолан сууллубуттар. Хаары уйбатах эҥин диэн буолбатах. Мин улуустааҕы тутуу управлениетыгар судаарыстыба суотугар тутуллубут тутуулары барыларын хонтуруолга ылыҥ диэн дьаһал биэрдим. ТХМ эмиэ бэйэлэрэ нуорма-быраап аакталарын ылыныаҕа. Дьолго ити саахалларга биир да сүөһү эмсэҕэлээбэтэ. Нэһилиэнньэ күүскэ түмсэн, эргэ хотоннору эҥин сыбыы охсон сүөһүлэри батартаатыбыт. Халлаан сылыйдаҕына хотоннору сөргүтүүгэ улуус өттүттэн көмө баар буолуоҕа.

Тарҕат:

Ырытыыгын суруй

Защитный код
Обновить

Бүтэһик сонуннар