Аныгы дьалхааннаах, кэлии-барыы үйэтигэр, тиэхиньикэ кыттыспыт олоҕор киһи үгүстүк саахалга түбэһэр, дэҥнэнэр, бэйэтэ даҕаны эчэйэр. Ол да иһин, кэнники кэмҥэ илии-атах тостуута, уҥуоҕу эчэтии, ол түмүгэр эрдэ олохтон туорааһын, инбэлиит буолуу үксээтэ.
Тостуу төрдө-төбөтө туохханый? Атаҕа тостубут киһи төһө өр, хайдах, ханна реаблитацияланар? “Кыым” хаһыат ааҕааччыларын бу уонна да атын ыйытыыларыгар 2-с №-дээх Өрөспүүбүлүкэтээҕи Балыыһа – Суһал көмө киинин травматология отделениетын быраастара – Максимов Александр Степанович уонна Веревкин Виктор Сергеевич хоруйдуохтара.
Быһа кэпсэтии чэппиэргэ, атырдьах ыйын 23 күнүгэр сарсыарда 11.00 чаастан 12.00 ч. диэри буолуоҕа.
Ыйытыыларгытын “Кыым” эрэдээксийэтигэр 34-47-40, 42-21-08, 89142619120 төлөпүөннэринэн биэрэргитин күүтэбит. Ыйытыыларгытын эрдэттэн биэрэн ааккытын этэн туран, суруйтарыаххытын сөп.
“Кыым” хаһыат эрэдээксийэтэ
