Киирии

Киирии

Атырдьах ыйын 17 күнүгэр «ЛОРП» ПАУо «Ленанефть-2020» суудуна Аллараа Халыма – Сангаар хайысханан киэһээҥҥи барык-сарыкка устан иһэн, Өлүөнэ өрүс 107-с килэмиэтиригэр түҥнэстибит оҥочону уонна ууга түспүт дьону көрөөт, араллааны биллэрбит. Бу туһунан “ЛОРП” ПАУо пресс-сулууспата иһитиннэрэр.

Экипаж икки киһини ууттан хостоот, тутатына суһал көмөнү оҥорор. Эмсэҕэлээччилэр көрдөһүүлэринэн, кинилэри Өлүөнэ өрүс 104-с килэмиэтиригэр баар «Сокол» метео ыстаансыйаҕа тиксэрэллэр. «Ленанефть-2020» суудуна хаппытаана Матвей Черепахин этэринэн, маннык ыксаллаах түгэҥҥэ хас биирдии сөкүүндэ күндү. Онуоха экипаж  чуолкайдык уонна түргэнник дьаһаммыт.

рулевые мотристы лть 2020

 «ЛОРП» ПАУо уу аала куттала суох сылдьыытын генеральнай дириэктэрин солбуйааччыта Валерий Степанов:

 Сыл аайы хас биирдии теплоход экипаһыгар үөрэтэр төрөбүөгэ ыытыллар. Ууттан дьону быыһыырга, көмө оҥорорго булгуччулаах тэриллэр баар буолалларыгар сүрүн болҕомто ууруллар.

экипаж ЛТЬ 2020

 «Ленанефть-2020» экипаж чилиэннэрэ: хапытаан Матвей Черепахин, механик , хапытаан иккис көмөлөһөөччүтэ Анатолий Байдин, хапытаан маҥнайгы көмөлөһөөччүтэ, механик маҥнайгы көмөлөһөөччүтэ Алексей Павлов, Осетровскайдааҕы өрүс училещатын курсаана, электрик Иван Бурнейка, Благовещенскайдааҕы өрүс училещатын курсаана, моторист Виталий Бятов, Благовещенскайдааҕы өрүс училещатын курсаана, моторист Дмитрий Ежевский, Астраханнааҕы өрүс училищетын курсаана, моторист Арсен Сеитов, Петрозаводскайдааҕы өрүс училищетын курсаана Илья Палункишкис, бастакы категориялаах суудуна повара Наталия Кирьяк уонна сирдьит Каролина Ананьева бу быыһыыр эпэрээссийэҕэ хорсуннарын көрдөрдүлэр.

         «ЛОРП» үлэһиттэрэ аччыгый суудуна ыытааччыларыгар силлиэлээх-тыаллаах уонна хараҥа кэмҥэ өрүскэ тахсыбат буолуҥ диэн сэрэтэллэр.

                                                                

Тарҕат:

Комментарии

Защитный код Обновить