“Сухой”, “Антонов”, Cessna, Boeing, Bombardier сөмөлүөттэри, итиэннэ 30-ча анал тиэхиньикэ арааһын “Дьокуускай” аэропордугар балаҕан ыйын 2 күнүгэр буолар үгэскэ кубулуйбут аһаҕас аан күнүгэр көрдөрүөхтэрэ. Бу туһунан аэропорт пресс-сулууспата иһитиннэрэр.
“Тэрээһиҥҥэ аэропорт көрдүүр уонна аварийнай-быыһыыр Сулууспата баһаарынай массыыналар “вальстарын” уонна “уу ааркатын” көрөдөрүөҕэ. Кинологтар сулууспаларын саамай бэриниилээх, үчүгэй ыттара дэлби тэбэр веществолары хайдах булалларын көрөдүөхтэрэ. Маны таһынан, парашютунан ыстаныахтара” , — диэн аэропорт иһитиннэрэр.
Быыстапкаҕа кэлбиттэр Sukhoi Superjet 100, Bombardier Dash 8 Q300, Ан-2, Ан-3т, Tundra Da-40 NG, Ми-8t, Ан-24, Ан-26, Л-410, Ан-2 и Cessna-172 сөмөлүөттэри көрөр чиэскэ тиксиэхтэрэ.
Маннык быыстапка сыл ахсын ыытыллар, киириитэ босхо диэн тэрийээччилэр бэлиэтииллэр.
