Войти

Войти

Тиксиигэ Хотугу флот үөһэнэн көмүскүүр сэбилэниилээх күүстэрин (противовоздушная оборона, ПВО) байыаннай куораттарын тутуу саҕаланна. Бу туһунан “Известия” хаһыат иһитиннэрэр.

“Хотугу флоту хамаандалааччы, адмирал Николай Евменов байыаннай куорат тутуутун бастакы эбийиэгэр – ПВО уонна ВВС байыаннай сулууспалаахтарын олорор дьиэлэрин бастакы сыбаайатын түһэрии үөрүүлээх тэрээһинигэр кытынна”, — диэн Хотугу флот пресс-сулууспатыгар иһитиннэрдилэр.

Былырыын сэтинньигэ адмирал 2018 сылга флот састаабыгар саҥа ПВО дивизията баар буолуо диэн эппитэ.

Байыаннай куораты сыл аҥаарын иһигэр тутан бүтэриэхтэрэ. Куорат 11 саҥа эбийиэктэн туруоҕа. Хотугу флот Арктикаҕа уонна аан дойду океанын оройуонарыгар Арассыыйа национальнай интэриэһин көмүскүүр стратегическай суолталаах Арассыыйа Сэбилэниилээх күүстэрин холбоһугунан буолар. Хотугу флот састаабыгар атомнай подлодка, “Адмирал Кузнецов” авиациянан ытыалыыр крейсер уонна “Петр Великий” атомнай раекталаах крейсер киирсэр. Атырдьах ыйын 22 күнүгэр АХШ сэрииһиттэрэ Норвегия территориятыгар киирбиттэринэн, Арассыыйа кыһаллыбыт быһыытын биллэрэн турар. Ослоҕо Арассыыйа посольствота иһитиннэрбитинэн, АХШ Норвегия сокуонун кэһэн туран, хотуттан Арассыыйа кыраныыссатыгар кимэн киирэн иһэрин “Известия” суруйар.

Тарҕат:

Добавить комментарий