Киирии

Киирии

Эдьигээн бөһүөлэгин олохтоохторо балаҕан ыйын 9 күнүгэр референдумҥа арыгы атыытын кыккыраччы бобор туһунан куоластыахтара. Бу иһитиннэриини Саха сирин киин быыбардыыр хамыыһыйата бигэргэттэ.

Биир кэлим куоластааһын күнүгэр, эдьигээттэр арыгы атыытын бобор дуу, боппот дуу туһунан быһаарыыны ылыныахтара. “Референдуму ыытары биһиги быыбардыыр хамыыһыйабыт көҥүллээбитэ”, — диэн Саха сирин киин быыбардыыр хамыыһыйатыгар иһитиннэрдилэр.

Эдьигээннээҕи киин балыыһа саайтыгар суруйалларынан, улууска алкоголизм ыарыытын көрдөрүүтэ кэнники кэмҥэ улаатан иһэр. Ол курдук, 2018 сыл саҥатыгар арыгыттан тутулуктаах буолуу синдромунан нарколог-бырааска учуокка 132 киһи турар.

“Улууска киһи өлүүтүн анаалыстаан көрдөххө, өлүү биир үксүн арыгыттан сылтаан тахсар. Өскөтүн референдумҥа арыгы атыытын боборго куоластаатахтарына, итинник быһаарыныы Эдьигээн бөһүөлэгэр үчүгэйинэн эрэ дьайыаҕа. Биһиги өбүгэрлэрбит итирдэр утахтары төрүт испэт этилэр. Аҕыйах ахсааннаах төрүт олохтоох омуктарга арыгы иһиитэ сах-саҕаттан үөрүйэҕэ суох, барсыбат буолан, арыгыга биһиги дьоммут түргэнник ыллараллар, ыарыы быһа сиир, личность быһыытынан сүтэр суолга тураллар”, - диир Эдьигээннээҕи оройуон балыыһатын нарколог-психиатр бырааһа С.А. Большакова.

Виктория Стась.

Тарҕат:

Комментарии

Защитный код Обновить