Войти

Войти

Хотугулуу-Илиҥҥи федеральнай университет ректорын эбээһинэһин толорооччу Евгения Михайлова бүгүн, атырдьах ыйын 28 күнүгэр, быйылгы үөрэх дьылыгар саҥа киирбит бастакы куурус оҕолорун уопсайга ылыы туһунан бирикээскэ илии баттаата.

Кинилэр “Сэргэлээх” устудьуоннар куораттарыгар баар бэртээхэй усулуобуйалаах уопсайдарга олохсуйуохтара. Уопсайа 928 бастакы куурус устудьуона уопсайынан хааччылынна. Бу туһунан университет пресс-сулууспата иһитиннэрэр.

“Устудьуоннар бүгүҥҥүттэн ыла уопсайга көһөн киирэн барыахтарын сөп. Онуоха ХИФУ Мэдэссиинэ институтун килииникэтигэр мэдэссиинэ көрүүтүн ааспыттарын туһунан ыспыраапканы уонна уопсайга олоруу иһин төлөбүрү биэрбиттэрин туһунан кибитээнсийэни биэрэллэрэ ирдэнэр”, – диэн университет устудьуоннарын идэлээх сойуустарыгар иһитиннэрдилэр.

Тарҕат:

Добавить комментарий