Cаха сиригэр бу сыл ахсынньы 20 күнүгэр диэри саҥа биэлсэр-акушер пууннарын (ФАП) үлэҕэ киллэриэхтэрэ. Бу туһунан Арассыыйа Уһук Илини сайыннарыы министиэристибэтин пресс-сулууспата иһитиннэрэр.
Ол курдук, бу сыл бүтүөр диэри саҥа модульнай ФАПтар Томпо улууһун Арыы Толоонугар, Ленскэй Ынньаалытыгар, Мэҥэ Хаҥалас Даркылааҕар уонна Кэбээйи Тыайатыгар тутуллуохтара.
Маныаха уопсайа 23,7 мөл. солк. ирдэнэр. Ити үбү федеральнай уонна өрөспүүбүлүкэ бүддьүөтүттэн көрүөхтэрэ. Медпууннар бу сыл ахсынньы 20 күнүттэн хойутаабакка ааннарын аһыахтара. Тутуу сакасчытынан СӨ Доруобуйа харыстабылын министиэристибэтин үлэтин хааччыйар управлениета буолар.
Модульнай ФАП – ирдэнэр тэрилинэн уонна инструменынан толору хааччылыбыт түргэнник таҥыллар тутуу. Онно ыарыһах кэбиниэтэ, бэрэбээскилиир процедурнай уонна персонал хоһо баар.
Санатар буоллахха, кэнники сэттэ сылга Саха сиригэр 40 ФАП тутуллубута.
