Киирии

Киирии

Ил Дархан э.т. Айсен Николаев балаҕан ыйын 3-4 күннэригэр Мииринэй улууһугар үлэлээтэ.

Командировка бастакы күнүгэр Айсен Николаев Мииринэйдээҕи ГОК “Иирэлээх” бириискэтигэр тоҕо барбыт даамбалары чөлүгэр түһэрэр үлэ хайдах ыытыллалларын бэрэбиэркэлээтэ. Ол кэннэ, Арыылаахха саҥа стадион арыллыытын үөрүүлээх тэрээһинигэр кытынна уонна “Новай” сопхуос үлэһиттэрин кытары тыа хаһаайыстыбатын сайыннарыы тула мунньахтаата.

Айсен Николаев Аччыгый Ботуобуйаҕа баар пантон муостатын көрдө уонна 2020 сылга манна күргэ тутулларын туһунан эттэ. Хайыы-үйэ күргэни тутар бэдэрээтчит көстүбүт.

Алмазнай бөһүөлэгэр 275 миэстэлээх 4-с №-дээх саҥа оскуолатын сыбаайатын уурууга кытынна.

Мииринэйгэ политехническэй институт (ХИФУ филиала) ньиэп-гаас дьыалаларыгар “Таас-Үрэх Нефтегазодобыча” базовай кафедратын арыйыыга кытынна.

Маны таһынан, “Харысхал” оҕо уонна ыччат реабилитационнай киинин саҥа дьиэтин үөрүүлээх арыллыытыгар кытынна.

Балаҕан ыйын 4 күнүгэр Айсен Сергеевич Айхал бөһүөлэгэр уонна Удачнай куоратыгар сырытта. Айхалга “Юбилейнай” карьер эбийиэктэрин көрдө-иһиттэ уонна үлэһиттэри кытары көрсөн кэпсэттэ.

Удачнайга ХБК үлэһиттэригэр аналлаах инньэ 90-с сс. бэттэх саҥа тутуллубут элбэх кыбартыыралаах олорор дьиэни көрдө.

Тарҕат:

Комментарии

Защитный код Обновить