Киирии

Киирии

“Ситим” медиа-бөлөх көҕүлээһининэн национальнай СМИ Ассоциацията уонна сылын аайы ыытыллар «Пять лучших этнических изданий России» федеральнай таһымҥа ыытыллар бүтүн Арассыыйатааҕы күрэх тэриллибитэ.

 

 

 5luchshihetnicheskihizdaniy

Алтынньы 10 күнүгэр Сочи куоракка ыытыллар үгэскэ кубулуйбут «Вся Россия» суруналыыстар форумнарыгар национальнай СМИ Күнэ аан бастакытын ыытыллыа. Бу күн күрэх кыайыылаахтарын наҕараадалааһын буолуоҕа. Бу тэрээһиҥҥэ Ил Дархан Айсен Николаев уонна Арассыыйа суруналыыстарын Сойууһун Бэрэссэдээтэлэ Владимир Соловьев кыттыыны ылыахтара.

Айсен Николаев «Якутия – драйвер цифрового развития Дальнего Востока» диэн тиэмэҕэ пресс-конференция ыытыаҕа. «Вся Россия» форумҥа сылын аайы тыһыынчаттан тахса дойду бастыҥ суруналыыһа кыттыыны ылар.

2014 сылтан «Почта России» төлөбүрүн кээмэйэ эмискэ үрдээн, Арассыыйа үгүс норуотун көрдөрөр-иһиттиннэрэр эргимтэтин эйгэтэ ыарахан балаһыанньаҕа киирбитэ. Онон национальнай СМИ Күнэ кинилэр салгыы сайдыыларыгар төһүү күүс буолуоҕа.

Ону таһынан, национальнай периодическай таһаарыылар төрөөбүт тыл сүппэтигэр, нациялар ыккардыларынааҕы сыһыан тупсарыгар суолтата улахан.

Арассыыйа Федерациятын 19 регионуттан 20 араас тылынан тахсар 69 хаһыат уонна сурунаал кытынна:

Башкортостан Өрөспүүбүлүкэтэ (21 таһаарыы), Саха Өрөспүүбүлүкэтэ (14), Удмуртия Өрөспүүбүлүкэтэ (5), Крым Өрөспүүбүлүкэтэ (5), Чувашия Өрөспүүбүлүкэтэ (4), Коми Өрөспүүбүлүкэтэ (3), Татарстан Өрөспүүбүлүкэтэ (2), Марий Эл Өрөспүүбүлүкэтэ (2), Бурятия Өрөспүүбүлүкэтэ (2), Ямало-Ненецкай АУ (2), Адыгея Өрөспүүбүлүкэтэ, Сахалин уобалаһа, Нижегородскай уобалас, Дагестан Өрөспүүбүлүкэтэ, Карачаево-Черкесия Өрөспүүбүлүкэ, Тыва Өрөспүүбүлүкэтэ, Алтай Өрөспүүбүлүкэтэ, Калмыкия Өрөспүүбүлүкэтэ, Забайкальскай кыраай.

Күрэххэ уонтан тахса ыччат таһаарыыта кыттыбыта олус үөрдэр. Ол аата Арассыыйаҕа национальнай бэчээт сайдыыта кэскиллээҕин бэлиэтиир.

Бүтүн Арассыыйатааҕы «Пять лучших этнических изданий России» күрэх кыайыылаахтарынан буоллулар:

«Лучшая районная (муниципальная) газета» – «Туймазинский вестник» общественнай-политическай хаһыат (татар тылынан тахсар), Башкортостан Өрөспүүбүлүкэтэ, Туймазы к..

«Лучшее детское издание» – «Акбузат» оскуола иннэ саастаах уонна алын кылаас оҕолоругар анаан ыйга биирдэ тахсар литературнай-художественнай сурунаал. Башкортостан Өрөспүүбүлүкэтэ.

«Лучшая газета» – «Кыым» нэдиэлэҕэ биирдэ тахсар общественнай-информационнай хаһыат (саха тылынан тахсар), Саха Өрөспүүбүлүкэтэ.

«Лучший журнал» –«Инвожо» ыччат сурунаала ( удмур тылынан тахсар), Удмуртия Өрөспүүбүлүкэтэ.

«Лучшее литературно-художественное издание»  «Таван Атал» литературнай сурунаал (чуваш тылынан тахсар), Чувашия Өрөспүүбүлүкэтэ

Толору информацияны национальнай СМИ Ассоциациятын саайтыгар аах: nationalsmi.ru

Тарҕат:

Комментарии

Защитный код Обновить