Киирии

Киирии

Мииринэй оройуоннааҕы балыаһатын (МЦРБ) үлэһиттэрэ бу күннэргэ куораттан уон көс ыраах сытар Сүлдьүкээр дэриэбинэ олохтоохторун доруобуйаларын сыныйан туран көрдүлэр-иһиттилэр.

 

 МЦРБ быраастарын бөлөҕө Сүлдьүкээргэ үлэлээн бүттэ

МЦРБ быраастарын бөлөҕө Сүлдьүкээргэ 

 

Биллэрин курдук, быйыл күһүн Иирэлээх дыраагаларын полигонугар саахал буолан, нуорманы таһынан кирдээх уу Бүлүү өрүскэ халыйан киириитигэр Сүлдьүкээр бастакынан эмсэҕэлээбитэ. Маны учуоттаан туран, МЦРБ терапевт, эндокринолог, невролог быраастара уонна УЗИнан кэтээн көрөөччү (барыта 6 быраас) Сүлдьүкээргэ үлэлээтилэр.

Сyлдьyкээр сэлиэнньэтэ учаастак быраастанна

Сүлдьүкээр сэлиэнньэтэ быраастанна

Эмчиттэр бөлөхтөрүн МЦРБ кылаабынай бырааһа Татьяна Стручкова салайан илдьэ сырытта. Айаннарын уонна үлэлэрин усулуобуйатын Мииринэй оройуонун дьаһалтата тэрийдэ. Сүлдьүкээргэ билигин үс сүүс киһи олорор. Нэһилиэнньэ аҕыйыы турар. Олохтоох оскуолаҕа 40-ча эрэ оҕо үөрэнэр. Мииринэй куоратын кытары сибээстэрэ букатын мөлтөх. Оптуобус уонна таксыы сылдьыбат буолан, дьон доруобуйатын балыыһаҕа көрдөрүнэ барарыгар эрэйи көрсөр. Светлэй бөһүөлэгэр мотуорканан тиийэллэр. Онтон баттастахтарына эрэ, Светлэйтэн Мииринэйгэ сэттэ уонча биэрэстэни оптуобуһунан айаннаан кэлэллэр. Оптуобуска хойутаатахтарына таксыы көрдүүллэр. Итинэн холобурдаатахха, МЦРБ быраастарын кэлиитэ олус наадалаах, үтүө дьыала буолла. Быраастар хоно сылдьан, сарсыарда эрдэттэн, киэһэ хойукка диэри үлэлээтилэр. Маннык туруулаахтык үлэлээн, дэриэбинэ олохтоохторун баһыйар үгүс бырыһыаннарын доруобуйаларын көрдүлэр-иһиттилэр. Бу сырыы кэнниттэн МЦРБ Сүлдьүкээр олохтоохторун доруобуйаларын туругар быһаччы сыһыаннаах түмүктэри оҥоро сылдьар.

Жители села Сюльдюкар на центральной улице

Сүлдьүкээр олохтоохторо

 

Станислав Алексеев, Мииринэй куорат.

 

МЦРБ эмчиттэрин ватсаап бөлөҕүн хаартыскатыгар быраастар Сүлдьүкээргэ кэлиилэрэ.

Тарҕат:

Ырытыы  

Сунтаардар
+2 Сунтаардар 09.10.2018 10:59
То5о манныгы тэрийбэтилэр? Бyлyyчээни, Наахараны, Кириэстээ5и, Куокунуну, Тэнкэни, Бордону обследуйдуох баара эмиэ врачтар группаларын илдьэн. А так, Мииринэй медиктэрэ маладьыастар.
Ответить
Ооксиэ
-4 Ооксиэ 09.10.2018 18:50
:sigh: Алмаз баайдаах сир диэтэххэ төрүкү мөлтөхтүк олороллор эбит.
Уулуссалара, дьиэлэрэ эргэ баҕайы. Биир да саҥа тутуу көстүбэт.
Дьэ ситигирдик.
Ответить

Ырытыыгын суруй

Защитный код
Обновить