Киирии

Киирии

Бассаап – сэрэхтээх тэрил. Үгүс киһи “мин суруйсуубун ким даҕаны аахпат, туох даҕаны биллиэ суоҕа” дии саныыр эрээри, туһааннаах уорганнар барытын билэ-көрө олороллорун, наада буоллаҕына, тааҕы-таах быһааралларын санатабыт.

 

Ол курдук, Нерюнгритааҕы борокуратуура бассаап ситимигэр дьахтары үөхпүт киһиэхэ административнай дьыаланы көбүттэ. Ол туһунан официальнай сурукка маннык суруллар: “2018 сыл от ыйыгар эр киһи Нерюнгри олохтооҕо дьахтар бас билэр мобильнай төлүөпүгэр атаҕастыыр хабааннаах иһитиннэриини ыыппыт. Мөрөбүөй суут административнай дьыала түмүгүнэн Нерюнгри олохтооҕо киһиэхэ икки тыһыынча солкуобай ыстараап төлүүргэ уураахтаата. Быһаарыы сокуоннай күүһүгэр киирэ илик, онон өрүттэр ааһыныахтарын сөп”.

Ити курдук бассаабынан кими эрэ үөҕэн, холуннаран, атаҕастаан, дьоһунун түһэрэн дьыалаҕа эриллиэххэ, икки тыһыынча солкуобайгыттан матыахха, сууттаныахха сөп. Онон мээнэ тылласпат ордук.

Тарҕат:

Комментарии

Защитный код Обновить