Киирии

Киирии

Алтынньы 20 күнүгэр Дьокуускай баһылыга Сардаана Авсксентьева куорат көхтөөх ыччатын кытта көрүстэ. Көрсүһүү «Арена.31» экстрим-пааркатыгар буолла.

IMG 0872

Бу күн, былаан быһыытынан, ыччат түмсүүтүгэр аналлаах бэстибээл-дьаармаҥканы ыытыллыахтаах этэ. Ол эрээри Керчь куоракка буолбут быһылаан сиэртибэлэрин кэриэстээн, тэрээһин атын күҥҥэ көһөрүлүннэ диэн, ыччат управлениетын начаалынньыга Константин Соколов биллэрдэ. Көрсүһүү биир мүнүүтэ саҥата суох турууттан саҕаланна.

IMG 0895

Сардаана Авксентьева ыччат киберспорт федерациятын, «Үс күүс» общественнай түмсүүтүн холобурдаан туран, көрсүһүү кыттыылаахтарын санаа этиитигэр, идиэйэ атастаһыытыгар ыҥырда. Ыччат көҕүлээһининэн тэриллибит «Арена.31» эмиэ үтүө холобур буолла. Ыччат управлениетын начаалынньыга Константин Соколов инникитин куорат атын уокуруктарыгар «ыччат дьиэлэрэ» арыллыахтара диэн үөрүүлээх солуну иһитиннэрдэ.

Салгыы устудьуоннар, улахан кылаас үөрэнээччилэрэ, общественниктар, испэсэлиистэр бэйэлэрин бырайыактарын, санааларын эттилэр. Тэрээһин бүтүүтэ, куорат баһылыга хас биирдии этиллибит этии сыныйан көрүллүө диэн, уонна маннык көрсүһүүлэр өссө да буолуохтара диэн эрэннэрдэ.

IMG 0911

Тарҕат:

Ырытыыгын суруй

Защитный код
Обновить

Бүтэһик сонуннар