Киирии

Киирии

СӨ ветеринарияҕа департаменын пресс-сулууспата иһитиннэрбитинэн, олунньу 16 күнүгэр лабаратыарыйаҕа ыытыллыбыт эспэртиисэ түмүгүнэн, Өлөөн улууһун Харыйалааҕыгар Арҕаа Салаа диэн сиртэн бултаммыт бөрөҕө иирии (бешенство) ыарыытын буллулар. Маннык ыарыыны олунньу 15 күнүгэр ыытыллыбыт эспэртиисэ Аллараа Халыма Колымское сэл. “Турваургин” общинатын икки табатыгар булбуттар. Бу эспэртиисэ түмүктэрин бигэргэтэргэ Иркутскайдааҕы уобаластар икки ардыларынааҕы ветеринария лабаратыарыйатыгар ыыттылар.

Урукку өттүгэр Ил Дархан уурааҕынан Анаабыр улууһун кыылларга иирии ыарыыта дьаҥнаабыт сиринэн билиммиттэрэ. Манна ыттарга саба түспүт бөрөҕө иирии ыарыыта баара биллибитэ. Өлөөҥҥө бултаммыт бөрөнү булчут балааккатыгар саба түһэн истэҕинэ өлөрбүттэрэ. Аллараа Халыма табаларын ыалдьыбыт дьиикэй кыыл ыстаабыт буолуон сөп. Аллараа Халымаҕа кыыл иириитэ урукку өттүгэр эмиэ бэлиэтэнэ сылдьыбыта: 2004 сыллаахха Колымскайга биир бөрө, 2011 сыллаахха Черскэйгэ икки ыкка, Колымскайга 1 кырсаҕа булуллубуттара. Оттон 2013 сыллаахха Походскайга 1 иириинэн ыалдьыбыт бөрөнү өлөрбүттэрэ. Сыл саҕаланыаҕыттан дойду үрдүнэн 293 сиргэ иирии ыарыыта булуллубут. Бу эмтэммэт сыстыганнаах ыарыы киһиэхэ эмиэ бэриллиэн сөп. Былырыын Саха сиригэр 48608 ыкка (99,4 %), 17187 куоскаҕа (92,2%) иириини утары быһыы биэрбиттэр. 

Тарҕат:

Комментарии

Защитный код Обновить