Киирии

Киирии

“Аэрофлот” авиахампаанньа Дьокуускай-Москуба хайысханан көтөр эриэйсэлэрин сөргүтүөҕэ. Сөмөлүөт нэдиэлэҕэ биэстэ көтөр буолуоҕа (сэрэдэттэн уонна баскыһыаннаттан ураты күннэргэ).

“Сөмөлүөттэр ахсынньы 11 күнүттэн көтөн саҕалыахтара. Москубаттан күн бастакы аҥарыгар көтөр буолуохтара. Докуускайтан хас чааска көтөрүн чопчулаһан билиэххэ наада. Билиэттэри сэтинньи 15 күнүттэн атыылаһаххыа сөп”, — диэн “Дьокуускай” аэропорт пресс-сулууспата иһитиннэрэр.

РФ Уһук Илини сайыннарыыга министиэристибэтэ 2019 сылга “Аэрофлот” ПАУо Уһук Илин олохтоохторугар тарыыбын үрдэтиэ суоҕа диэн эрэннэрбитэ, сыана быйылгынан хаалыаҕа диэбитэ. Бу туһунан хампаанна генеральнай дириэктэрэ Виталий Савельев эппитэ.

Санатар буолахха, Дьокуускай аэропуордугар балаһа өрөмүөннэнэр буолан, “Аэрофлот” Дьокуускайга диэри тиһигэ быстыбат сырыытын тохтоппута. Онуоха Ил Дархан хампаанньа салалтатын кытары кэпсэтиһэн эриэйсэлэр сөргүтүллэр буолбуттара.

Тарҕат:

Комментарии

Защитный код Обновить