“Саха сирин тимир суоллара” хампаанньа вагоннарынан айаннааччы ахсаана улаатар. Онуоха “Сибиир күүһэ” гаас утаҕын тутааччы оробуочайдара айанныыллара элбээбитэ төһүү буолла. Бу туһунан “Саха сирин тимир суоллара” АХ Ауо пресс-сулууспата иһитиннэрэр.
Ол курдук, бу сыл 10 ый түмүгүнэн “Саха сирин тимир суоллара” Томмот-Нерюнгри-Томмот, Томмот-Тында-Томмот уонна Томмот-Благовещенскай-Томмот хайысханан субуллар вагоннарыгар 69,97 тыһ. пассажир айаннаабыт. Ити былырыыҥҥыттан 7 %-нан үрдүк.
Хампаанньаҕа бэлиэтииллэринэн, “Сибиир күүһэ” Саха сиринээҕи учаастагар вахтанан үлэлиир оробуочайдар тиэстэннэр уонна пассажирдары тиэйиигэ өҥө көрүҥэ кэҥээн маннык көрдөрүүнү ситиспиттэр. Хампаанньа электроннай билиэти атыылаан саҕалаабыта интэриэһи үөскэппит.
