Киирии

Киирии

Мииринэйтэн 170 биэрэстэ ыраах сытар “Новай” сопхуос Таас Үрэхтээҕи отделениета олунньу ый 15 күнүттэн ылата үлэтэ тохтотуллар буолла.

Отделениены сарбыйыы (ликвидациялыыр) туһунан биллэрэр суруктары Таас-Үрэх дэриэбинэтин 34 олохтооҕо тутта.Маннык суруктары “Новай” сопхуос дириэксийэтэ Таас Үрэххэ тиийэн туттартаата, олохтоох дьаһалтаҕа мунньах ыытта.Бу дьон бары Таас Үрэхтээҕи сүөһү иитэр пиэрмэтигэр үлэлээбиттэрэ.Бу иннинэ, Таас-Үрэххэ сылгы биригээдэтэ сарбыйыыга түбэспитэ.

Taas1

Эмиэ 2019 сылга Сүлдьүкээрдээҕи отделение үлэтин ууратарын туһунан кэпсэтиилэр хайыы-үйэ саҕаланнылар. Сүлдьүкээргэ субай сүөһүнү, торбостору иитэллэр. Сарбыйыыга түбэһээччилэр, сокуон чэрчитинэн үлэтэ суох сылдьар кэмнэрин толуйар төлөбүр ылыахтаахтар.

Taas

Ол курдук, сарбыйыыга түбэспиттэр официальнайдык үлэтэ суохтар ахсааннарыгар учуокка турдахтарына сыл аҥаарыгар орто хамнастара төлөнөр. Сарбыйыыга түбэһээччилэртэн 17 киһи - биэнсийэҕэ барыахтара ыраах, эдэр саастаах дьон. Маны учуоттаан, кинилэр инники дьылҕалара хайдах буоларын быһаарыы боппуруоһа тирээн турар. Бу дьон туох даанал идэтийиилэрэ суох. Аналлаах үөрэҕэ суохтарынан сибээстээн, ханнык да бырамыысалыннас тэрилтэтэ үлэҕэ ылбат.Таас Үрэххэ урукку курдук табаны ииппэттэр. Булт ньиэп-гаас бырамыысалыннаһа сайдыан симэлийэн турар. Сиринэн дьарыктанарга усулуобуйа суох. Дэриэбинэ тулата барыта – гаас утумнара, технологическай суоллар, скважиналар, быыскалар, баахта бөһүөлэктэрэ, айааннар, от үрэхтэр.

Taas2

Taas3

Онон, кыһалҕалаах кэмнэригэр Ботуобуйа нэһилиэгин дьаһалтата Таас Үрэх отделениетын сарбыйыыга түбэһэр дьонугар көмө-тирэх буолара ирдэнэр. Быйыл өрөспүүбүлүкэбитигэр Дьарыктаах буолуу сыла ээ.

Станислав Алексеев, Мииринэй куорат.    

Тарҕат:

Комментарии

Защитный код Обновить