Войти

Войти

Усуйаана улууһун Тумат сэлиэнньэтигэр саҥа хочуолунай үлэҕэ киирдэ. Бу туһунан «Теплоэнергосервис» пресс-сулууспата иһитиннэрэр.

1985 сыллаахха тутуллубут эргэ хочуолунай илиинэн оттуллар этэ.

“Саҥа хочуолунайы тутар матырыйааллары, тэриллэри хас да сыл уу суолунан, үөһэнэн аҕалтарбыппыт. Тутуу үлэтэ кыһыннары-сайыннары ыытылынна” – диэн, иһитиннэриигэ суруллар.

Ону таһынан, 1 км тахса уһуннаах итиини биэрэр ситим уларыйда. Саҥа турбалар аны уонча сыл өрөмүөҥҥэ наадыйбаттар.

Үбүлээһини “Теплоэнергосервис” инвестиция бырагарыыматынан төлөөтүлэр. Онуоха 60 мөл.солк. үп көрүлүннэ.

Кэлэр сылга хампаанньа тарҕатар ситими тутан саҕалыа. 37 дьиэ кииннэммит итиинэн хааччыйыыга холбонор кыахтаныахтара.

Тумат сэлиэнньэтэ улуус кииниттэн 160 км хоту диэки сытар.

Нэһилиэнньэтин ахсаана — 533.

Тарҕат:

Добавить комментарий