Саха сиригэр дьиэни кыттыһан тутууга албыннаппыт дьон кыһалҕаларын быһаарарга муниципальнай былаастар уонна дьокутааттар кыттыһыахтара, итиэннэ бүддьүөт таһынааҕы үбү туһанар механизмнары уонна инвестицияны туһанар буолуохтара. Бу туһунан бырабыыталыстыба вице-премьерэ Кирилл Бычков албыннаппыт дьону кытары көрсүһүүгэ эттэ.
“Эһиги кыһалҕаҕытын быһаарарга муниципалитеты уонна дьокутааттар куорпустарын кыттыһыннарыахпыт. Кинилэр бу социальнай кыһалҕа түргэнник быһаарылларын өйдүөх тустаахтар. Биһиги хас биирдии дольщик кыһалҕата быһаарыллыннаҕына биирд бу бырагыраама түмүктэммитин билиниэхпит”, - диэтэ Кирилл Бычков.
Билигин Саха сиригэр албыннаппыт дольщиктар кыһалҕаларын 75% дольщик туһатыгар быһаараллар. Бу Уһук Илиҥҥэ уонна Арассыыйа сорох киин эрэгийиэннэригэр холоотоххо улахан көрдөрүү.
Арассыыйаҕа 880 ситэ тутуллубатах эбийиэк баар, манна 34 тыһ. тахса дольщик албыннаппыт. Саха сиригэр күн бүгүн 6 эбийиэк кыһалҕалааҕынан билиниллибит. Олор истэригэр киин куоракка Каландарашивили уулуссатыгар “Северная строитнльная компания” ХЭУо тутан испит элбэх кыбартыыралаах олорор дьиэтэ, “Ильинка” түөлбэҕэ “Черов и К” 3 дьиэтэ уонна Чурапчыга “Макрос” ХЭУо 2 дьиэтэ.
Дьиэни кыттыһан тутууга албыннаппыт дьон реестиригэр 147 киһи испииһэккэ киирбит. Маны таһынан, биир кыбартыыраны хос атыылаһыҥҥа түбэспит 68 киһи тутуу министиэристибэтин испииһэгэр киирбит (“Стерх” ЖСПК, “Теплосервис” ХЭУо, “Сырдык” ХЭУо).
Кирилл Бычков эппитинэн, эһиилги сылга албыннаппыт дьоҥҥо «Государственная поддержка граждан, пострадавших от недобросовестных застройщиков жилья» уонна «Обеспечение качественным жильем и повышение качества ЖКУ на 2018-2022 годы» судаарыстыбаннай бырагырааманы үлэлэтэргэ 150 мөл. солк. ирдэнэр. Кини өскөтүн бу харчыны көрөр түгэннэригэр 175 дольщик кыһалҕатын быһаарыахтара үһү. 2022 сылга диэри бу кыһалҕаны суох гынарга былаанныылларын вице-премьер көрүһүү кэмигэр эттэ.
Сэҥээриилэр
dainty pulmonic arterial high blood pressure (PAH) nether the patronage name calling Revatio (sildenafil 20-mg tablets and 10-mg/12.5-mL single-utilize ampul injections) and Adcirca (tadalafil
20-mg tablets).
Although choice roles subsist for these agents, PDE5 inhibitors for the discourse of ED are the focalize of this reexamine.