Урут Мииринэй дьыссааттарын баһыйар үгүстэрэ «АЛРОСА» састаабыгар киирсэллэр этэ.
Хампаанньаҕа кыттыгаһа суохтартан «Якутскэнерго» Арҕааҥҥы уот ситимнэрин (ЗЭС) дьыссаата оройуоҥҥа бэриллибитэ ыраатта.Оройуон дьаһалтата сүрүнннүүр «Чоппууска» дьыссаата үлэлээбитин курдук үлэлии олорор.Оттон “АЛРОСА” биэдэмистибэннэй дьыссааттарын хампаанньа састаабыттан таһаарыы Арассыыйа сокуонун ирдэбилинэн барбыта.2012 сыллаахха «Алмазик» диэн ааттаах оҕо саадтарын сүрүннүүр тэрилтэ баар буолбута.Бу тэрилтэни «АЛРОСА» самалык тэрилтэ курдук үөскэппитэ.
Тоҕо диэтэххэ, хампаанньа үлэһиттэрин оҕолорун дьыссаатынан хааччыйыы – эппиэттээх сорук. Урукку биэдэмистибэннэй дьыссаатар хампаанньа састаабыттан төһө да сыыйа-баайы тахсыталаабыттарын иһин, “АЛРОСА” кинилэри өссө биэс сылга үбүлүүргэ эбээһинэс ылыммыта.
"Лукоморье" оҕо уһуйаана тутуллубута хаһыс да сыла
«Алмазик», АЛРОСАттан үбүлэниитигэр сөбүлэҥ болдьоҕо номнуо бүтэн турар.Билигин бу тэрилтэ – муниципалитет бас билиитинэн буолар.Дьыссааттары аны Саха сирин бүддьүөтэ хааччыйар.Онон биэдэмистибэннэй дьыссааттары өрөспүүбүлүкэ бас билиитигэр көһөрүү айдаана-куйдаана суох ыытылынна.
Хаартыскаҕа: «Чоппууска» дьыссаат.
Станислав Алексеев, Мииринэй куорат, ааптар хаартыскалара.
