Войти

Войти

Быйыл Орто Халыма куорат  төрүттэммитэ 375 сыллаах үбүлүөйүн бэлиэтиир. 
Ол курдук, ахсынньы  4-8 күннэригэр Дьокуускайга, Орто Халыма куорат күннэрэ ыытыллыа. Былааннаммыт  тэрээһиннэр    туһунан пресс-конференцияҕа оройуон делегацията  билиһиннэрдэ.  
“Орто Халыма куорат күннэрин  ыытыы сүрүн сыала – хоту сытар оройуон култууратын, олоҕун-дьаһаҕын уонна үгэстэрин  билиһиннэрии буолар”,  — диэн  оройуон баһылыгын солбуйааччы  Анна Попова кэпсээтэ.
Делегация өрөспүүбүлүкэ министиэристибэлэрин, ведомстваларын, ону таһынан,  “Ил Түмэн” олохтоох комитеттарын бэрэссэдээтэллэрин, салайааччыларын кытта көрсүө. 
Ахсынньы 5 күнүгтэн Национальнай художественнай түмэлгэ, Орто Халыматааҕы  краеведческай түмэл бастыҥ экспонаттарын уонна норуот маастардарын  оҥоһуктарын быыстапката  үлэлиэ.
Бу күн  куорат олохтоохторо Нуучча тыйаатырыгар, “Ынахтаах Хотун” диэн Орто Халыматааҕы норуодунай тыйаатыр туруорбут испэктээкилин  көрүөхтэрин сөп. 
Ахсынньы  6 күнүгэр, оройуон уонна куорат сайдыытыгар сүҥкэн кылааттарын киллэрбит  бочуоттаах олохтоохтору  чиэстээһин уонна  бастыҥ кэлэктииптэр кыттыылаах кэнсиэр буолуоҕа. 
Ахсынньы  1 – 8  күннэригэр, устудьуоннар ортолоругар бастыҥ дизайн-бырайыак оҥорууга күрэс ыытыллар. Тэрийээччилэр этэллэринэн, бастыҥ үлэлэр Орто Халыма куорат  саҥа  киин болуоссатын тутууга  олоххо киириэхтэрэ. Бириис пуондата  50 тыһ солк.  
Тэрээһин тыа хаһаайыстыбатын бородууксуйатын атыы  дьаармаркатынан уонна Доҕордоһуу болуоссатыгар  халлаан анныгар дискотеканан  түмүктэниэ. 
 
Тарҕат:

Добавить комментарий