Өрөспүүбүлүкэ олохтоохторо “Арассыыйа улуу ааттара” бырайыак чэрчитинэн Дьокуускай аэропордун ааттаатылар.
Ахсынньы 4 күнүгэр «Россия-1» ханаалга «60 минут» биэриигэ куоластааһын түмүгүн көрдөрдүлэр. Ол курдук, 51 % (30 810 куолас) ылан Былатыан Ойуунускай аата иҥэриллэр буолла. Оттон өрөспүүбүлүкэ бастакы бэрэсидьиэнэ Михаил Николаевка 25 % куолас, авиатор Валерий Кузьмиҥҥа 18 % куолас киирбитэ. Уопсайа куоластааһыҥҥа 59 979 киһи кытынна.
Былатыан Ойуунускай (1893 — 1939) — суруйааччы, учуонай-филолог уонна общественнай деятель, саха литературатын төрүттээччи.
