Войти

Войти

2019 сылга Эбээн Бытантай Кустууругар көс оскуола арыллыа диэн СӨ Үөрэххэ уонна билимҥэ министиэристибэтэ иһитиннэрэр.

Билигин көс оскуола өрөспүүбүлүкэ 11 улууһугар баар. Онно барыта 112 оҕо үөрэнэр. Ол иһигэр уһуйаан саастаах оҕото – 18.

Былаастар этэллэринэн, бу үс сыл иһигэр көс оскуолалар көһө сылдьар модульнай булуоктарынан толору хааччыллыбыттар. “Модульнай булуок бырайыага сылтан-сыл тупсан иһэр. Билигин икки булуоктаах: сүрүн булуокка үөрэх ыытыллар буоллаҕына, иккискэ хочуолунай, генератор, санузел, туалет турар. Булуоктары салгыы өссө тупсарар, инновациялаах технологиянан, күн батарыайатынан, спутник сибээһинэн хааччыйар былаан баар”, -- диэн министиэристибэҕэ быһаараллар.

Көс оскуолаларга эбээн, эбэҥки, дьүкээгир, чукча, долгаан тылларын сэргэ табаны табаны иитии (оленеводство) уруогун үөрэтэллэр.

Тарҕат:

Добавить комментарий