Киирии

Киирии

В.Г. Короленко аатын сүгэр Амма 1-кы №-дээх сорох биридимиэттэри дириҥэтэн үөрэтэр орто оскуолата бу күһүн 150 сылын туолбута. Оскуоланы 150 сыл анараа өттүгэр биллэр нуучча суруйааччыта-демократ В. Г. Короленко төрүттээбитэ.

Сыл устата үбүлүөйдээх тэрээһин чэрчитинэн араас хабааннаах тэрээһиннэр тиһигин быспакка ыытылыныллар. Бу күннэргэ үгүс көлүөнэ ыччаты иитэн таһаарбыт кырдьаҕас оскуола үбүлүөйдээх сылын үөрүүлээх быһыыга-майгыга бэлиэтиир. Үбүлүөйдээх оскуола махталлаах үөрэнээччилэриттэн, араас кэмҥэ үлэлээн-хасаан ааспыт үлэһиттэриттэн, төрөппүтэриттэн, кэллиэгэлэриттэн тиһигин быспакка эҕэрдэ эгэлгэтин тутар.

emblema

Руслан Федотов, Ил Түмэн дьокутаата:

Ruslan

Амма ыччатын үөрэх-билии киэҥ аартыгар кынаттыыр, өрөспүүбүлүкэ биир биллэр-көстөр, тарбахха баттанар кырдьаҕас үөрэҕин кыһатын үөрэнээччилэрин, төрөппүттэрин, үлэһиттэрин бу бэлиэ күнүнэн тус бэйэм уонна Ил Түмэн дьокутааттарын ааттарыттан итиитик-истиҥник эҕэрдэлиибин! Амма бастакы нүөмэрдээх оскуолата куруук бастыҥнар кэккэлэригэр сылдьалларыттан киэн туттабыт. Инникитин да ситиһии кынаттаах үүнэр көлүөнэни иитиигэ, улууспут, дойдубут сайдарын туһугар сыралаахтык үлэлэһиэххит диэн эрэнэбин. Эһиэхэ бары кэрэни, табыллыыны, тахсыыны баҕарабын!

6fe56576 1270 4dfd 8693 893d5b3d0aae

Амма улууһун баһылыга Н.А. Архипов:

Arkhipov

— Амма улууһун муниципальнай улууһун дьаһалтатын уонна дьокутааттарын Сэбиэтин аатыттан биһиги улууспут биир бастыҥ оскуолатын 150 сааһын туолар кэрэ-бэлиэ күнүнэн итиитик-истиҥник эҕэрдэлиибит!

Амма 1-кы №-дээх оскуолата улууска, өрөспүүбүлүкэҕэ биир бастыҥ үлэлээх оскуолалар ахсааннарыгар киирэриттэн биһиги киэн туттабыт. Оскуола тэриллиэҕиттэн күн бүгүнүгэр дылы үлэлээн-хамнаан, сайдан-силигилээн кэллэ. Бу сыллар тухары үгүс элбэх үөрүүлэр, ситиһиилэр, үрдүкүнү дабайыылар бааллар. Хас биирдии үлэһит оскуола сайдарын туһугар үлэлэспитэ, улахан кылаатын киллэрбитэ көстөр. Эһиги оскуолаҕыт оҕолоро Амма улууһун, өрөспүүбүлүкэтээҕи, Арассыыйатааҕы, аан дойдутааҕы кэмпириэнсийэлэргэ, бэстибээллэргэ, спорт күрэхтэригэр мэлдьи кыайан-хотон кэлэллэрэ, үөрэхтээһин араас туурдарыгар баран кытталлаа биһигини олус үөрдэр.

Баҕарабыт эһиэхэ үйэлээх үгэстэинэн ааспыты ахтар, сыаналыыр, кэрэни кэрэхсиир, төрөөбүт түөлбэлэрин таптыыр, дойду, бар дьон туһугар үлэлиир, умнуллубат үтүөнү оҥорор ыччаты иитэргитигэр, оҕолоргут өй-санаа, үөрэх-билии, эт-хаан өттүнэн эргиччи сайдыылаах, киһилии үтүө майгылаах буола улааталларыгар, биирдэ бэриллэр олоххо миэстэлэрин булалларыгар, олоҕу сыаналыыр буолалларыгар уонна тус бэйэҕэтигэр күн сиригэр баар бары үтүөнү, олохутугар үгүс үөрүүнү, дьолу-соргуну, айымньылаах үлэҕит өссө үрдүк үрдэллэри ылыахтын, өрүү үөрүү-көтүү аргыстанан, чугас дьоҥҥут тапталларыгар уйдаран, чэгиэн-чэбдик сылдьаргытыгар!

Эрэдээксийэ аатыттан үбүлүөйдээх оскуолаҕа эҕэрдэ бастыҥын аныыбыт.

Тарҕат:

Комментарии

Защитный код Обновить