Киирии

Киирии

ТАСС иһитиннэрэринэн, дойду бэрэсидьиэнэ Владимир Путин Элджей диэн ырыаһыт кэнсиэрин Арассыыйа эрэгийиэннэригэр тоҕо тохтоппуттарын быһаарыахха наада диэн эттэ. Бу туһунан суруналыыстарга РФ Киһи быраабын көмүскүүр боломуочуйалаах Татьяна Москалькова иһитиннэрбит.

“Кэнсиэри бобуу, тохтотуу биирдэ эрэ буолбакка, хос-хос хатылана турар көстүү эбит. Бэрэсидьиэн маныаха биричиинэни быһаарарга сорудахтаата”, — диэн Москалькова быһаарда.

Санатар буоллахха, Элджей диэн ырыаһыт кэнсиэрин Дьокуускайга эмиэ боппуттара. Элджей билигин ыччат ортотугар саамай былдьаһыкка сылдьар артыыһынан буолар, кини “Розовое вино” диэн килиибэ Ютубка 179 мөл. тахса көрүүлээх. Элджей кэнсиэрин Дагестаҥҥа эмиэ улаханнык утарсан тохтоппуттара.

Үрдүкү былаас дойдуга Элджейтэн атын кыһалҕа суох диир буоллаҕа дуу?

Тарҕат:

Комментарии

Защитный код Обновить