Киирии

Киирии

Алмаастаах кыраай киинигэр «Тулаайах кырачааннарга – амарах сыhыаны» аhымал аахсыйа ыытыллар. Бу хамсааһын чэрчитинэн, Тойбохой детдомугар анаан, МПТИ устудьуоннара, Мииринэй куорат олохтоохторуттан баhыылка хомуйаллар.

 

Бу маннык аһымал аахсыйата 20-чэ сыл тухары тиһигин быспакка ыытыллан кэллэ.                  

Мииринэй политехническэй институтун икки үөрэтэр киинигэр, бибилиэтиэкэҕэ канцелярскай табаардары, таҥаһы, оҕо оонньуурун күн ахсын туталлар. Онон, Саҥа Дьылга Тойбохой детдомун иитиллээччилэрэ сылаас соннору, кууркалары, бэргэhэлэри, сиэдэрэй оонньуурдары бэлэх ылыахтара.

mpti1

 

Ити курдук, Мииринэй олохтоохторо, быйыл да элбэх баhыылканы хомуйуохтара диэн эрэл баар. Оттон ахсынньы ый бүтэhик кyннэригэр, МПТИ устудьуоннарын дэлэгээссийэтэ кэнсиэртиир бырагыраамалаах Тойбохой детдомугар айанныырга бэлэмнэнэр. Аны туран, Мииринэйтэн устудьуоннары кытары кырыа бытыктаах, субуллар сонноох, элбэх кэhиилээх Эhээ Дьыл эмиэ барсыахтаах.

Биллэн турар, “кыhыл иэдэс” Хаарчаанатын эмиэ умнубат буолуохтаах.

Бу – бары МПТИ устудьуоннара.

Дьэ ити курдук Мииринэй куоратыгар амарах санаалаах устудьуоннар үөрэнэллэр.

 

Станислав Алексеев, Мииринэй куората.    

 

 

Тарҕат:

Комментарии

Защитный код Обновить