Ааспыт суукка устатыгар өрөспүүбүлүкэҕэ саҥа 75 киһи хоруонахамыгар хаптарбыта биллибит.
Ол курдук, 61 киһи — киин куоракка, 6 – Нерюнгрига, иккилии киһи — Ленскэй, Нам, Сунтаар улуустарыгар, биирдии ыарыһах Кэбээйигэ уонна Хаҥаласка ыалдьыбыттара биллибит. Ыарыһахтар бары эмтэнэллэр, алтыспыт дьоно биллэллэр. Хоруона хамсыгыттан Саха сиригэр 3817 киһи ыалдьыбыта биллибит, 2582 киһи үтүөрэн тахсыбыт, 26 киһи суорума суолламмыт.
Суукка устатагыр 74 киһи үтүөрэн тахсыбыт: 62 – Дьокуускайга, 5 – Мэҥэҕэ, 3-түү киһи Горнайга уонна Намҥа уонна биир ыарыһах Нерюнгрига үтүөрбүттэр. 33 киһи ыарахан туруктаах сытар. Олортон 11 ыарыһах ИВЛ аппараатыгар холбоммут. Дьокуускайтан каникулга тиийбит оҕолортон сыстыһааччы үгүс. Холобур, Кэбээйи улууһугар икки дьиэ кэргэн ыалдьыбыт. Таксилар уоран сылдьалларыттан дьаҥ эмиэ тарҕанар. Уус Алдаҥҥа 4 киһи таксыыга хаптарбыт.
