Войти

Войти

Арассыыйаҕа волонтёр сыла түмүктэнэн эрэр. Бу сыл тухары уопсастыбаннай тэрилтэлэргэ анаан араас таһымнаах тэрээһиннэр ыытылыннылар, биир санаалаах дьон түмсэн олох араас эйгэтигэр сүрэхтэрэ тугу этэринэн, уопсастыбаннай хамсааһыннары оҥордулар.


Онтон Мэҥэ Хаҥалас улууһун Майатыгар номнуо 6-с сылын "Үһүс көлүөнэ оскуолата" уопсастыбаннай түмсүү үлэлиир. Бу оскуола тоҕус ый тухары тохтообокко, нэдиэлэҕэ биир эрэ өрөбүллээх үлэлиир. Манна 30 учуутал барыта холбоон 850 киһини үөрэтэн таһаарда. Учууталлар бары волонтёр буолаллар, ол аата кинилэр аҥаардас үтүө санааларынан салайтаран, саастаах дьоҥҥо билиини ыларга, туһалаах дьарыгы баһылыырга көмөлөһөллөр. Оскуола иһинэн юридическэй куурустар, английскай тылы, көмпүүтэри, иискэ-баайыыга үөрэтии, үҥкүү, ырыа, хабылык уо.д.а. үтүө дьарыктар ыытыллаллар.

IMG 20181219 WA0009
Үрүҥ Көмүс волонтёрдар олох бары эйгэтигэр көхтөөхтүк кытталлар, ону араас таһымнаах тэрээһиннэргэ ситиһиилээхтик кыттыбыттара туоһулуур. Ол курдук, Мэҥэ Хаҥалас улууһугар 2014 сыл түмүгүнэн бастыҥ уопсастыбаннай түмсүү буолбуттарыттан саҕалаан, өрөспүүбүлүкэҕэ, Арассыыйаҕа, Аан Дойду таһымыгар ырыа, үҥкүү, прикладной ускуустубаҕа, этнопедагогикаҕа тиийэ үгүс элбэх номинациялар хаһаайыттара, лауреаттар, димпломаннар буолаллар.

IMG 20181219 WA0010
Маны таһынан оскуола кэллэктиибэ кыаммат ыалларга, үлэ булалларыгар көмөлөһөн сүбэ-ама буолаллар, бэлиэ түгэннэргэ бэлэх оҥорон үөрдэллэрин сөбүлүүллэр. Дьиэлэрэ умайбыт эдэр ыалы өйөөбүттэрэ суһал көмө харчы хомуйан тиксэрбиттэрэ. "Үһүс көлүөнэ оскуолатыгар" дьарыктанар аҥаардас уонна ыараханнык ыалдьар дьону соҕотохтуу хаалларбаттар, бары биир сүбэнэн көрө, көмөлөһө сылдьаллар.

IMG 20181219 WA0011
Бу истиҥ эйгэлээх оскуола кэллэктиибигэр биэнсийэлээх дьон эрэ буолбакка, эдэр дьон эмиэ бэйэлэрин кылааттарын киллэрэллэр. Онон аҕа саастаахтарбытыттан утумнанан кэлэр амарах санаа уһун, чэгиэн олохпут уйгута буолар.

IMG 20181219 WA0012

Вероника Александрова

Тарҕат:

Добавить комментарий