Киирии

Киирии

seno

Ил Дархан бырабыыталыстыба чилиэннэрин кытта көрсүһүүтүгэр быйыл саас от кырыымчык буолуо диэн эттилэр. Ону таһынан дьарыктаах буолуу боппуруоһун таарыйдылар.

ТХ миниистирэ Петр Алексеев от тиийбэтин туһунан кэпсээтэ: “Былырыын баччаларга 25 тыһ. кэриҥэ сылгы эбии аһылыкка турбут эбит буоллаҕына, быйыл – 72 тыһ. Онон саас от кэмчи буолуо диэн сылыктыыбыт. Сорох улуустар атын оройуоннарга от атыылыыртан номнуо батыннылар. Барыта 1000 туонна от наада, ол туһунан магадааннары уонна амырдары кытта кэпсэттибит. Билигин хаачыстыбатын тургутабыт”.

СӨ Дьарыктаах буолууга судаарыстыбаннай кэмитиэтин бэрэссэдээтэлэ Степан Москвитин өрөспүүбүлүкэ нэһилиэнньэлээх пууннарыгар төһө-хачча үлэ ресурсата баарын ырытан-ыраҥалаан бүтэрбиттэрин, анал пааспардар оҥоһуллубуттарын эттэ. Ол түмүгүнэн үлэтэ суох нэһилиэнньэ дьарыктаах буолуутун уопсай хартыыната ойууланан тахсыахтаах.

“Холобур, 25-тэн 54-гэр диэри саастаах дьон ахсаана 19 711 киһи. Онтон 8 тыһыынчата – үрдүк үөрэхтээх, 11,5 тыһ. – орто, үөрэҕэ суоҕа – 4 тыһ. киһи. Дьарыга суоҕа – 5 880”, - диэн Москвитин дакылааттаата.

Тарҕат:

Комментарии

Защитный код Обновить