Горнай улууһун Маҕарас нэһилиэгэр үүтү соҕотуопкалыыр сыах арылынна. Бу туһунан СӨ Тыа хаһаайыстыбатын министиэристибэтин пресс-сулууспата иһитиннэрэр.
“Үүтү соҕотуопкалыыр тэрилтэ кыамтата симиэнэҕэ 0,5 туоннаҕа тэҥнэһэр. Сүөгэй, иэдьэгэй, арыы уо. д.а. үрүҥ аһы оҥорон таһаарар”, — диэн иһитиннэриигэ суруллар.
“Горнай-Ас” кэпэрэтиип 2016 сыл сэтинньи ыйыттан үлэлиир. Горнай улууһугар үүтү соҕотуопкалыыр соҕотох тэрилтэ буолар. 45 бааһынай хаһаайыстыба уонна үс атыылыыр кэпэрэтиип киирэр.
