Ааспыт сыл ахсынньы 30 күнүгэр Владимир Путин саҥа судьуйалары аныыр туһунан ыйаахха илии баттаата.
Өлүөхүмэтээҕи оройуоннааҕы суут бэрэссэдээтэлинэн Ульяна Чемпосова, Дьокуускай куораттааҕы суут судьуйатынан Елена Протопопова ананнылар.
Елена Протопопова Дьокуускай куораттааҕы суут судьуйатын көмөлөһөөччүтүнэн онтон отдел начальнигынан үлэлээбитэ. Ааспыт сыл атырдьах ыйын 29 күнүгэр СӨ судьуйаларын Квалификационнай кэллиэгийэтин мэктиэтин ылбыта.
Ульяна Чемпосова үлэтин Өлүөхүмэтээҕи оройуоннааҕы суут сэкэрэтээринэн саҕалаабыта. Онтон судьуйа көмөлөһөөччүтүнэн анаммыта, 2012 сылтан мировой судьуйанан үлэлээбитэ.
