Киирии

Киирии

Тохсунньу 10 күнүгэр дойдуга Бэчээт күнүн көрсө, Ил Түмэн спикерэ Петр Гоголев улуустааҕы хаһыаттар эрэдээктэрдэрин кытта көрүстэ. Бу туһунан Ил Түмэн пресс-сулууспата иһитиннэрэр.

Көрсүһүүгэ улуустааҕы хаһыаттар инникитин өрөспүүбүлүкэ сокуон таһаарар уорганын уонна “Ил Түмэн” парламентскай хаһыаты кытта ыкса үлэлииллэрин туһунан дьүүллэстилэр. Хаһыат эрэдээктэрэ Наталья Попова улуустааҕы хаһыаттар уһулуччу суолталаах тиэмэлэри, нэһилиэнньэ тыҥаабыт боппуруостарын ырыҥалаан суруйалларын хайҕаата. Ону таһынан, эрэдээксийэлэр үбүлээһиннэрин, сурутуу, хаһыаттар барыстарын уо.д.а. туһунан кэпсэттилэр.

Бүлүү улууһан “Олох суола” хаһыат дириэктэр-эрэдээктэрэ Василий Мандаров, тыа олохтоохторо чуолаан улууска сыһыаннаах ыстатыйалары, чахчы сыыппаралары ааҕалларын  ордороллорун бэлиэтээтэ. “Колымская правда” хаһыат дириэктэр-эрэдээктэр эбээһинэһин толорооччу Алексей Курило, ырытыылаах ыстатыйалары бэлэмнээһиҥҥэ хоту улуустар уратыларын, улуустааҕы хаһыаттар форматтарын учуоттуулларыгар санаатын эттэ.  “Таатта” хаһыат дириэктэр-эрэдээктэрэ  Анна Посельская, саха тылыгар биир ирдэбил оҥоһулларыгар, кэрэспэндьиэннэр хамнастарын үрдэтии боппуруоһун көтөхтө. Оттон Кэбээйи улууһун “Дабаан” хаһыат дириэктэр-эрэдээктэрэ  Виктор Эверстов, аҕыйах ахсааннаах норуоттар тылларынан суруйар кэрэспэндьиэннэр штаттарын элбэтиини ыйда.

Тарҕат:

Комментарии

Защитный код Обновить

Бүтэһик сонуннар