Киирии

Киирии

Дойдуга ааспыт сыллаахха “СӨ үтүөлээх суруналыыһа” бочуоттаах аат олохтоммута. Саха суруналыыстарыттан бастакытын “Кыым” хаһыат сүрүн эрэдээктэрэ Иван Гаврильев уонна “Саха” НКИХ суруналыыһа Сардаана Сивцева ыллылар.

“Суруналыыстар көмөлөрүнэн өрөспүүбүлүкэҕэ ыытыллар бөдөҥ тэрээһиннэр, биир дойдулаахтарбыт ситиһиилэрэ ааҕааччыга кэмигэр уонна түргэнник тиийэр. Эһиэхэ айар үлэҕитигэр өрө үүнүүнү баҕарабын”, – диэн СМИ уонна бэчээт үлэһиттэрин профессиональнай бырааһынньыктарынан Ил Дархан уонна бырабыыталыстыба дьаһалтатын салайааччы Фёдор Борисов эҕэрдэлээтэ.

Үөрүүлээх тэрээһиҥҥэ суруналыыстыка эйгэтигэр өр сыл үтүө суобастаах үлэлэрин, өрөспүүбүлүкэ социальнай-экономическай сайдыытыгар сүҥкэн кылааттарын иһин, “Кыым” хаһыат сүрүн эрэдээктэригэр  Иван Гаврильевка уонна “Саха”  НКИХ суруналыыһыгар  Сардаана Сивцеваҕа “СӨ үтүөлээх суруналыыһа” аат туттарылынна. Ону таһынан,  “СӨ култууратын үтүөлээх үлэһитэ”, Ил Дархан, Ил Түмэн махтал суруктарын, бириэмийэлэрин, “Гражданскай килбиэн” бэлиэни  туттардылар.

“Гражданскай килбиэн” бэлиэни Арассыыйа суруналыыстарын сойууһун чилиэнэ Георгий Васильев ылла. “Мин суруналыыстыка эйгэтигэр: телевидениеҕа, радиоҕа, хаһыакка, издательствоҕа уопсайа, 43 сыл үлэлээтим. Билиҥҥи суруналыыстыка урукку сыллар курдук буолбатах. Эдэрдэр айар үлэлэригэр көҥүллэр. Биир идэлээхтэрбэр ситиһиилэри баҕарабын”.

Тарҕат:

Комментарии

МС
+1 МС 11.01.2019 16:41
Уйбааҥҥа эҕэрдэ!
Ответить
Галина
0 Галина 12.01.2019 09:44
Үтүөлээх журналистарга уруй айхал. ҮЛЭ СЫАНАЛАММЫТЫНАН.
Ответить

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska

Бүтэһик сонуннар