Саха сиригэр Колумбияттан, Кытайтан, Соҕуруу Кэриэйэттэн, Францияттан, Чехияттан, Словакияттан туристар кэлитэлээтилэр.
Тоһуттар тымныылаах Саха сирэ тымныы сатыылаан турдаҕына туристары ордук угуйар. Ордук итии дойдулартан туристар анаан-минээн кэлэллэр. Маны таһынан Арассыыйа киин эрэгийиэннэриттэн Саха сирин тымныытын эттэринэн-хааннарынан билээри тиэстэллэр.
Саха сирин отельердара уонна туристическай ааҕыннара хаһааҥҥытааҕар да туристар тоҕуоруһаллара улааппытын бэлиэтииллэр. Биһиги курдук тыйыс айылҕалаах, аам-даам тымныылаах сиргэ дьон-сэргэ хайдах олорорун билэр-көрөр баҕалара баһыйан бачча ыраах кэлэллэр эбит. Туристартан ураты суруналыыстар уонна учуонайдар улаханнык интэриэһиргээн кэлитэлиир буолбуттар.
Туристар ордук Өймөкөөҥҥө баар тымныы полюһун кэрэһэлиир сирдэри көрөргө интэриэстээхтэр.
