Киирии

Киирии

"РНГ" нефть хостуур хампаанньата("Роснефть" самалыга) геодезическай, чинчийэр-тургутар бөлөҕө уонна тутар-таҥар биригээдэтэ,  Сунтаар улууһун Кутана сэлиэнньэтигэр кыстаан олорор.


Биригээдэ богуон дьиэлэрэ  Саһар үрэҕиттэн чугас, Дьокуускайдыыр айан суолун кытыытыгар тураллар. Сунтаар улууһун салалтатын кытары сөбүлэҥ кэпсэтии чэрчитинэн, "РНГ" тэрилтэтэ Кутана арҕаа өттүгэр баар Саһар үрэҕин күргэтин тутуохтаахтар. 
Бэрт кыра күргэни.Саһар үрэҕэ Мунньаҕа күөлүттэн уутун тардан, Кутана сэлиэнньэтин аттынан иэҕиллэн, Бүлүү өрүскэ түһэр. Урут күстэх, алыһар өрүстэн баһаамнык тахсааччы. 
Кутанаттан аллараата - көҥүс, үөһээ өттө - сиэннэрдээх, көлүкэлэрдээх от үрэх.Бу үрэҕи өрөспүүбүлүкэ , "Росавтодор" хас эмэ сыллар усталарыгар күргэни олох саҥардыбакка, сылтан сыл ахсын эргэрэн испитэ. Онуоха  ыксааннар нефтяниктартан  туттаран ыларга көрдөһөргө күһэллибиттэрэ саарбаҕа суох. Оччотугар Саха сиригэр "Бүлүү" федеральнай айан суолун  "оччо туттубут, бачча туттубут" диэн арбаныылара туохха наадалаҕый?! Бэл, быыкаа муостаны нефтяниктарга найылаан баран.
Бу суотугар нефтяниктар кыра да өҥөлөрүн иһин, туохха дураһыйыахтарын, бэйэҕит да сэрэйбэккит!
Сунтаар улууha, "Сургутнефтегаз" (Кириэстээх, Түбэлиир аартык), "ИНК" ( "Ииктээх", Бүлүүчээн үрэҕин баһа), " Иркутскгеофизика"(Ыгыатта баһыттан төрдүгэр диэри), "Газпром"( Ньүччүкү, Буйаагы, Дьэрбэ үрэхтэр бастара, Куокуну, Тэҥкэ) "бөрүөк тэҥэ" үллэриллэн, сирдэрэ-уоттара бырамыысалыннаска бүтүннүү бэриллэн тураллар. 
Аны "РНГ" хампаанньа  Сунтаарга тус бэйэтин интэриэстээх сирдэрин көрдүүр. 
Сунтаардар Оччугуй Ботуобуйа күргэтин, эмиэ "РНГ" хампаанньа тутарыгар көрдөспүттэригэр, тоҕо эрэ өрөспүүбүлүкэ аккаастаабыта быданнаабыт эбийиэгин ыларга улгумнук сөбүлэспиттэр. 
Сунтаардар "муннукка ыктаран олороллор". Ыарахан балаһыанньалаахтар.Атын суоллара суох. 
Хайыахтарай, өрөспүүбүлүкэ сунтаардар кыһалҕаларыгар төрүт наадыйбат буоллаҕына, муҥ саатар нефтяниктар абыраатыннар диэн толкуй үөскээтэҕэ. 
Онон улуус нефтяниктарга балачча иэскэ киирэрэ төрүт саарбахтаммат. Бырамыысалыннастаах тэрилтэлэр кыраны да "дук" гыммыттарыгар улаханы төттөрү ылар адьынаттаахтар. Ону олох ырылыччы көрдөрөн турар.

Станислав Алексеев, Мииринэй куората.

Тарҕат:

Комментарии

Оннук
+9 Оннук 16.01.2019 18:05
:sigh: Сунтаарга сотору барыта нефть вышката буолуо. Профиль уруккаттан элбэх.
Ответить
Проблема
+8 Проблема 16.01.2019 19:22
Сотору Бүлүү улуустарыгар олорооччу ахсаана да аҕыйыыр кутталлаах.
Ответить
Владимир
+7 Владимир 16.01.2019 20:22
Быыкаа муостаны тутан дуомнаан баран, туох баар чугас-ыраах күөллэри, үрэхтэри хаһыахтара. Холобур, Кутана , Күүкэй күөллэрэ нефть саппаастаах буолуохтарын сөп.
Ответить
Sakha
+5 Sakha 17.01.2019 12:05
Sүөһүler sүten abyraañ ere
Ответить

Защитный код Обновить