2018 сыл 11 ыйын түмүгүнэн, Арассыыйаҕа өлөр киһи ахсаана саҥа төрүүр оҕону 200 тыһыынчанан куоһарда.
Нэһилиэнньэ саамай күүскэ көҕүрүүр эрэгийиэннэрэ: Псков, Смоленскай, Тамбов, Тверь, Тула уобаластара. Манна 1 тыһ. киһиттэн 7-лии киһи көҕүрээбит. Көһөн кэлии суотугар буолбакка, оҕо төрөөһүнүн суотугар ахсааннара эбиллэр эрэгийиэннэргэ Хотугу Кавказ өрөспүүбүлүкэлэрэ, Тюмень уобалаһа, Тува уонна, биһиги үөрүөхпүт иһин, Саха сирэ киирбиттэр. РФ вице-премьерэ Татьяна Голикова “нэһилиэнньэ өлөн көҕүрээһинэ 2023-2024 сыллартан уларыйан, аҕыйаан барыа” диэн сылыктыыр.
