Киирии

Киирии

Эдэр урбаанньыттар – Татьяна уонна Владимир Ивановтар дьоҕус хаһаайыстыбаларын бэрт сыралаахтык, элбэхтик сүүрэн-көтөн тэрийбиттэрэ.

Татьяна бэйэтэ Арыылаах («Новай» сопхуос) сэлиэнньэтиттэн төрүттээх буолан оҕо эрдэҕиттэн тыа хаһаайыстыбатыгар сыстаҕас. Элбэх оҕолоох эдэр ыал хаһаайыстабаларын Мииринэй куорат Үөһээ бөһүөлэгин түгэҕэр (Верхний поселок) тэрийбиттэрэ. Манна диэн эттэххэ, бу букатын табыгаһа, киһи соччо таласпат сирэ. Сиҥнэйбит дьиэлэр, хочуоҥкалар, былыр үйэтээҕитэ сириллэн быраҕыллыбыт даачалар... Саатар уулуссалара сорох сирдэринэн уоттара суох. Ону ол диэбэккэ Ивановтар бэйэ хаһаайыстыбатын тэриммиттэр. Быраҕыллыбыт, отунан уонна талаҕынан саба үүммүт учаастагы ыраастаан, олбуорун саҥардан, саҥалыы дьаһайан барбыттар. Бастатан туран мас дьиэ дьэндэппиттэр. Коза, сибиинньэ, куурусса уонна хоруолук турар хаарчахтарын тутаттаабыттар. Аны ынах сүөһүлэнэргэ сананаллар эбит.

Mir1

Бу – хайдах эрэ олуонатык көстөр. Тоҕо диэтэххэ, манна ынах мэччийэр ходуһата суох, оттуур сир да чугаһынан мэлигир. Тулабыт – барыта карьердар, алмаастаах кумах сууйар сир, хвостохранилище, быртах уутун харайар накопитель. Тыа хаһаайыстыбатынан дьарыктанарга букатын сөбө суох.

Дьэ ол да буоллар, эдэр оҕолор дьулуурдаахтар эбит ээ! Ивановтар хаһыс да сылларын бэйэлэрин хаһаайыстыбаларын кэҥэтэллэр.

Кинилэр Мииринэй куорат олохтоохторун төгүрүк сылы быhа сымыытынан, коза үүтүнэн, сибиинньэ, ынах этинэн хааччыйар былааннаахтар. Билиҥҥитэ бородууксуйаларын таһаарыыта сэмэй. Сымыыттарын атыыга барыыта ортоһуор. Хааччыстыбатын «материктан» тиэллибит сымыыты кытары холообоккун – дьиэ гиэнэ быдан сибиэhэй, минньигэс амтаннаах.

Mir2

2018 сыл ахсынньытыгар «Алмаастаах түөлбэ» атыы-эргиэн быыстапкатын түмүгүнэн, Татьяна Иванова Мииринэй куорат мээрин Клим Антонов хайҕабыл суругун уонна сэмэй бириэмийэтин тутта.

Mir3

Бу иннинэ, эдэр урбаанньыт Татьяна Юрьевна Иванова тыа хаһаайыстыбатын Гранын ылар чиэскэ тиксибитэ.                       

Кэнники сылларга бэйэлэрин бородууксуйаларын оҥорор урбаанньыттары, Саха сирин тыатын хаhаайыстыбатын министиэристибэтэ күүскэ өйүүр буолла.

Оттон Мииринэйгэ тыа хаһаайыстыбатынан дьарыктанарга хорсуннук туруммут эдэр урбаанньыты - Татьяна Иванованы олохтоох былаастар эмиэ өйүүллэрэ хайҕабыллаах.

Станислав Алексеев, Мииринэй куорат. Ааптар хаартыскалара.

Тарҕат:

Комментарии

Защитный код Обновить

Болҕойуҥ ! Чэпчэтиилээх сурутуу саҕаланна!

kyym podpiska

Бүтэһик сонуннар