Киирии

Киирии

Сыл иһигэр саха тылын үөрэтэр оҕо ахсаана 40% элбээбит. Ону таһынан, аҕыйах ахсааннаах норуоттар тылларын үөрэтэр оҕо ахсаана эмиэ элбии турар. Бу туһунан СӨ Үөрэх уонна билим  миниистирэ Владимир Егоров иһитиннэрэр.

Кини этэринэн, ааспыт сыллаахха саха тылын үөрэтэр оҕо ахсаана 19 тыһ эбит буоллаҕына, билигин 30 тыһ тахса. Ону тэҥэ, министиэристибэ көрдөрүүтүнэн, Саха сиригэр олорор долган, эбээн, эбэҥки норуоттар тылларын үөрэтэр оҕо ахсаана 15% элбээбит. Бу күҥҥэ аҕыйах ахсааннаах норуоттар тылларын 1,5 тыһ оҕо үөрэтэрэ биллэр.

Ону таһынан миниистир, маҥнайгы сүһүөх уонна орто кылаастар саха тылын үс учебнига федеральнай испииһэккэ киирбитин эттэ. “Учебниктар экспертизаны ааһан сөбүлэҥи ыллылар”, – диэн тоһоҕолоон бэлиэтээтэ.

2018 сыллаахха Эбээн-Бытантай уонна Үөһээ Халыма улуустарыгар эбии көһө сылдьар оскуолалар, оскуола иннинээҕи бөлөхтөр тэриллибиттэрин санатта. Арктиканы сайыннарыы саҥа министиэристибэтин көмөтүнэн, хоту сытар улуустарга үөрэхтээһини өйүүр үлэ салҕанарын эттэ.

Тарҕат:

Комментарии

Хлестаков
0 Хлестаков 25.01.2019 13:50
Прожектерство, Куоракка сахалыы уерэтии хаачыстыбатын депутат Габышеваны кытта общественниктары ыытан ЯГНГ, 2, 14, Айыы кыЬатын оскуолалары проверкалатыахха. Ити сахалыы уерэтэр ааттаах оскуола о5олоро нууччалыы тыбыыра сылдьаллар. Ордук ЯГНГ.
Ответить

Защитный код Обновить