Киирии

Киирии

СӨ Үөрэх уонна наука министиэристибэтэ Намҥа “Туллукчаан” оҕо уһуйааныгар буолбут түбэлтэни силиэстийэлиир үлэтин түмүктээтэ.

Санатабыт, тохсунньу 17 күнүгэр 16.30 чааска, “Туллукчаан” уһуйаан икки иитиллээччитэ бэйэлэрэ таҥнан дьиэлэригэр барбыттара.  Ол түмүгэр биир оҕо тарбаҕын үлүппүт, биирэ тымныйбыт.

Миниистир Владимир Егоров бирикээһинэн анал хамыыһыйа тэриллэн Намҥа бара сырытта. Манна силиэстийэлиир үлэни ыытан сөптөөх миэрэлэри ылыннылар. Ол түмүгүнэн уһуйаан сэбиэдиссэйин уонна иитээччитин үлэлэриттэн уураттылар. Улуустааҕы үөрэх управлениетыгар сиэрдээх миэрэ ылыныллыбытын быһаардылар. Уһуйаан үлэһиттэрэ эбээһинэстэригэр дьалаҕайдык сыһыаннаспыттарын түмүгэр маннык түбэлтэ тахсыбытын бигэргэтэллэр.

Оттон кыргыттар туруктара үчүгэй. Биир кыыс уһуйааҥҥа сылдьан саҕалаабыт. Биирэ 2 №-дээх Өрөспүүбүлүкэтээҕи балыыһаҕа эмтэммит. Билигин олохтоох балыыһаҕа көрдөрүнэр. Бу туһанан СИА-ҕа үөрэх уонна наука министиэристибэтин пресс-сулууспата иһитиннэрэр.

Тарҕат:

Комментарии

Защитный код Обновить