Киирии

Киирии

ХИФУ Мэдэссиинэ институтун 125 бүтэрээччи “Земский доктор” бырагырааманан үлэ булбуттар. Улахан аҥаардара терапевт уонна оҕо быраастара. Бу туһунан университет пресс-сулууспата иһитиннэрэр.

“Бу олус үчүгэй бырагыраама, тоҕо диэтэххэ, тыа сиригэр идэлээх быраастар үлэлииллэрин ситиһэр. Ол эрэн, манна кыра “нюанстар” бааллар. Холобур, бары нэһилиэнньэлээх пууннар бу бырагырааммаҕа киирсибэттэр. Уонна ахсааннара элбии турар”, – диэн Мэдэссиинэ институтун дириэктэрэ  Николай Гоголев иһитиннэрэр.

Бу бырагырааммаҕа кыттыытын туһунан Мэдэссиинэ институтун 2011 сыллахха бүтэрбит Татьяна Архипова маннык кэпсиир: “ “Земский доктор” бырагырааммаҕа миигин 2013 сыллаахха ыҥырбыттара. Нерюнгри орйуонун Иенгра нэһилиэгэр оҕо бырааһынан үлэлээбитим. Кэллэктиип миигин олус үчүгэйдик көрсүбүтэ. Манна дуогабар быһыытынан биэс сыл үлэлээн баран Чульмаҥҥа көспүтүм”.

“Земский доктор” бырагыраамма сыала-соруга – тыа сирин идэлээх медицинэ үлэһиттэринэн хааччыйыы, эдэр исписэлиистэри үлэлэтии.

2012-2017 сылларга өрөспүүбүлүкэ улуустарыгар 600 медик үлэ булбуттар. Олортон 589 быраас уонна 22 фельдшер. “Сылга ортотунан 120  үрдүк квалификациялаах быраастар улуустарга үлэлии бараллар. Бу олус үчүгэй көрдөрүү”, – диэн СӨ Бырабыыталыстыбатын бэрэссэдээтэлин солбуйааччы Ольга Балабкина иһитиннэрэр.

Тарҕат:

Комментарии

Защитный код Обновить